চলচ্চিত্ৰ কৰ্মীলৈ ৰোহিত চেট্টীয়ে আগবঢ়াইছে সহায়ৰ হাত

ছবি নিৰ্মাতা ৰোহিত চেট্টীয়ে মহামাৰীৰ দ্বাৰা প্ৰভাৱিত হোৱা চলচ্চিত্ৰ কৰ্মীসকলক সহায় কৰিবলৈ আগবাঢ়ি আহিছে ৷ সিংঘম ছবিৰ নিৰ্দেশক গৰাকীয়ে বৰ্তমান সম্প্ৰচাৰ হৈ থকা টেলিভিছন ৰিয়েলিটী শ্ব' খতৰ' কে খিলাড়ীৰ বিশেষ খণ্ডৰ পৰা পোৱা পাৰিশ্ৰমিকৰ এটা অংশ বিলাব চলচ্চিত্ৰ কৰ্মীসকলৰ মাজত ৷

চিটাৰা ডেস্ক,6 আগষ্টঃ ছবি নিৰ্মাতা ৰোহিত চেট্টীয়ে বলীউডৰ চলচ্চিত্ৰ কৰ্মচাৰীসকলক সহায় কৰিবৰ বাবে এক বিশেষ পদক্ষেপ গ্ৰহণ কৰিছে ৷খতৰ' কে খিলাড়ীৰ ঘোষক ৰোহিত চেট্টীয়ে শেহতীয়াকৈ খতৰ'কে খিলাড়ীৰ বিশেষ অডিচনৰ পৰা পোৱা নিজৰ পাৰিশ্ৰমিকৰ এটা অংশ বিলাব জুনিয়ৰ শিল্পী, বেকগ্ৰাউণ্ড ডাঞ্চাৰ, ষ্টান্টমেন, লাইটমেন আৰু শ্ৰমিকসকলৰ মাজত ৷ এই টকাখিনি তেওঁ কৰ্মীসকলৰ একাউন্টত ট্ৰেঞ্চফাৰ কৰিব ৷

জনাই থওঁ যে, দেওবাৰে তেওঁ খতৰ' কে খিলাড়ীঃমেড ইন ইণ্ডিয়ানামৰ বিশেষ সংস্কৰণৰ শ্বুটিং আৰম্ভ কৰিছিল ৷ বিগত বৰ্ষত বিদেশত হৈছিল এই ৰিয়েলিটী শ্ব'ৰ শ্বুটিং, কিন্তু এইবাৰ সম্পূৰ্ণ চিজনটোৰ শ্বুটিং মুম্বাইতে হ'ব ৷

ভাৰতত অনুষ্ঠিত হোৱা এই খণ্ডটোৰ প্ৰতিযোগীসকলৰ ভিতৰত আছে কৰণ বাহী, ঋত্বিক ধনজানী, হৰ্ষ লিম্বাচিয়া, ৰশিম দেশাই, নিয়া শৰ্মা, জেচমিন ভছীন, অলী গৌনী আৰু জয় ভানুশালীৰ দৰে বহুকেইখন জনপ্ৰিয় মুখ ৷ এই চিজনটো টেলিভিছনত সম্প্ৰচাৰ হৈছে বিগত 1 আগষ্টৰ পৰা ৷

উল্লেখযোগ্য যে, দেশত কৰ'ণা মহামাৰীয়ে ত্ৰাস সৃষ্টি কৰাৰ প্ৰথমভাগতে ৰোহিত চেট্টীয়ে এ.এফ.ডব্লিউ.আই.চি.আই আৰু লক্ ডাউনৰ বাবে ঘৰত বহি থাকিব লগা হোৱা ফটোগ্ৰাফাৰ সকললৈ সহায়ৰ হাত আগবঢ়াইছিল ৷

লগতে পঢ়কঃমই স্ক্ৰীণত কল্পনা চাওলাৰ চৰিত্ৰ ৰূপায়ন কৰিব বিচাৰোঃ বাণী কাপুৰ