বলিউডৰ বেয়া দিনঃ প্ৰডিউচাৰছ গিল্ডৰ মুখ্য কাৰ্যবাহী বিষয়াৰ মৃত্যু

ভাৰতীয় ছবিজগতলৈ আহিছে ইটোৰ পিছত সিটো বেয়া খবৰ ৷ ইৰফান খান, ঋষি কাপুৰৰ পিছত আজি মৃত্যু হ'ল প্ৰডিউচাৰছ গিল্ড অফ ইণ্ডিয়াৰ মুখ্য কাৰ্যবাহী বিষয়া কুলমিত মক্কৰৰ ৷ ফাৰহান আখটাৰ, সুভাষ ঘাই , কৰণ জোহৰৰ দৰে বহু ছবি নিৰ্মাতাই তেওঁৰ মৃত্যুত গভীৰ শোক প্ৰকাশ কৰিছে ৷

চিটাৰা ডেস্ক,1 এপ্ৰিলঃ বিগত দুটা দিনত দেশবাসীয়ে হেৰুৱালে ভাৰতীয় চলচ্চিত্ৰ জগতৰ দুটা ভোটা তৰা ৷ প্ৰতিভাৱান অভিনেতা ইৰফান খান , জ্যেষ্ঠ অভিনেতা ঋষি কাপুৰৰ মৃত্যুৰ পিছতে শুকুৰবাৰে মৃত্যুবৰণ কৰে প্ৰডিউচাৰছ গিল্ড অফ ইণ্ডিয়াৰ মুখ্য কাৰ্যবাহী বিষয়া কুলমিত মক্কৰে ৷

জানিব পৰা মতে, শুকুৰবাৰে হৃদৰোগৰ ফলত 60 বছৰ বয়সত মৃত্যুবৰণ কৰে বিশেষ ব্যক্তিগৰাকীয়ে ৷ নিৰ্মাতা গৰাকীৰ মৃত্যুৰ বাতৰি নিজৰ টুইট যোগে প্ৰকাশ কৰি শোক ব্যক্ত কৰে কৰণ জোহৰে ৷

অভিনেত্ৰী বিদ্যা বালনে তেওঁৰ এখন ফটো শ্বেয়াৰ কৰি শ্ৰদ্ধাঞ্জলি জ্ঞাপন কৰে ৷

অশোক পণ্ডিত, সুভাষ ঘাই আৰু ফাৰহান আখটাৰে টুইটাৰ যোগে গভীৰ শোক প্ৰকাশ কৰে প্ৰসিদ্ধ ছবি নিৰ্মাতা গৰাকীৰ মৃত্যুত ৷

লগতে চাওকঃ32 বছৰীয়া হ'ল অভিনেত্ৰী অনুষ্কা শৰ্মা