বলীউডৰ 20বছৰীয়া যাত্ৰা বিশেষ আন্দাজেৰে উদযাপন কৰিব প্ৰিয়ংকা চোপ্ৰাই

গ্ল'বেল আইকন প্ৰিয়ংকা চোপ্ৰাই নিজৰ প্ৰতিভাৰ জৰিয়তে বলীউডৰ লগতে হলীউডত নিজৰ স্থান দখল কৰিবলৈ সক্ষম হৈছে ৷ শেহতীয়াকৈ বলীউড ক্ষেত্ৰত সুদীৰ্ঘ 20 টা বছৰ সম্পূৰ্ণ কৰিছে অভিনেত্ৰী গৰাকীয়ে ৷ বলীউডত 20বছৰীয়া সুদীৰ্ঘ যাত্ৰা পূৰ্ণ হোৱাৰ আনন্দ অনুৰাগীৰ সৈতে উদযাপন কৰিব অভিনেত্ৰী গৰাকীয়ে ৷

চিটাৰা ডেস্ক,22জুলাইঃবলীউডৰ পৰা হলীউডলৈকে নিজৰ অভিনয়ৰ জৰিয়তে সকলোৰে মন মোহিবলৈ সক্ষম হোৱা অভিনেত্ৰী প্ৰিয়ংকা চোপ্ৰাই মনোৰঞ্জন জগতত সম্পূৰ্ণ কৰিলে সুদীৰ্ঘ 20টা বছৰ ৷

দেশী গাৰ্লৰ পৰা গ্ল'বেল আইকন হোৱালৈকে তেওঁৰ আকৰ্ষণীয় যাত্ৰা যথেষ্ট মননশীল ৷ নিজৰ এই সুন্দৰ যাত্ৰাৰ 20 বছৰীয়া হোৱাৰ বিশেষ ক্ষণ তেওঁ উদযাপন কৰিব বিচাৰিছে অনুৰাগীৰ সৈতে ৷ শেহতীয়াকৈ তেওঁ নিজৰ ছ'চিয়েল মিডিয়া একাউন্ট যোগে এটা ভিডিঅ' শ্বেয়াৰ কৰিছে ৷ এই ভিডিঅ'টোত প্ৰিয়ংকাই কৈছে যে,তেওঁৰ বলীউড জগতত 20 বছৰ সম্পূৰ্ণ হোৱাৰ বাবে তেওঁ নিজৰ কেৰিয়াৰৰ 20 টা গুৰুত্বপূৰ্ণ মূহুৰ্ত স্মৰণ কৰিব অনুৰাগীৰ সৈতে ৷

এই কথা জনাৰ পিছতে যথেষ্ট উৎসাহী হৈ পৰিছে তেওঁৰ অনুৰাগীসকল ৷ এই ভিডিঅ'টোত যথেষ্ট প্ৰতিক্ৰিয়া প্ৰকাশ কৰিছে প্ৰিয়ংকাৰ অনুৰাগীসকলে ৷ সকলোৱে জানিবলৈ উৎসুক হৈ পৰিছে যে 20 বছৰীয়া যাত্ৰাত প্ৰিয়ংকাই কোনকেইটা মূহুৰ্ত তেওঁৰ আটাইতকৈ গুৰুত্বপূৰ্ণ মূহুৰ্ত বুলি বিবেচনা কৰিছে ৷

লগতে পঢ়কঃচলমান খানৰ অনুৰাগীৰ বাবে বেয়া খবৰ, দীপাৱলীত মুক্তি নহয় "ৰাধে"