কি কি পাচলিৰ খেতি কৰিছে মোহময়ী অভিনেত্ৰী প্ৰীতি জিণ্টাই?

এইবাৰ খেতি কৰাৰ মন মেলিছে মোহময়ী অভিনেত্ৰী প্ৰীতি জিণ্টাই। ইনষ্টাগ্ৰাম পোষ্টযোগে পাচলি বাগিচাৰ ফটো শ্বেয়াৰ কৰিলে অভিনেত্ৰীগৰাকীয়ে। সতেজ পাচলিৰে ভৰি আছে অভিনেত্ৰী প্ৰীতি জিণ্টাৰ পাচলি বাগিচা।

চিটাৰা ডেক্স,১৮আগষ্টঃলক্ডাউনৰ সময়চোৱাত পাচলিৰ খেতি কৰি, ঘৰৰ কাম কৰি চৰ্চালৈ আহিছে বহু বলীউড তাৰকা। ইনষ্টাগ্ৰামত সঘনাই শ্বেয়াৰ কৰা পোষ্টে উৎফুল্লিত কৰিছে অনুৰাগীকো । এইবাৰ ঘৰতে খেতি কৰি সতেজ পাচলিৰ সোৱাদ লৈছে মোহময়ী অভিনেত্ৰী প্ৰীতি জিণ্টাই । অভিনেত্ৰী শিল্পা ছেট্টীয়েও ঘৰত খেতি কৰাৰ ফটো আৰু ভিডিঅ' ইনষ্টাগ্ৰাম পোষ্টযোগে অথবা ইউ টিউবৰ জৰিয়তে অনুৰাগীৰ সৈতে শ্বেয়াৰ কৰিছে ।

'ক্য়া কেহনা' ছবিৰ অভিনেত্ৰী প্ৰীতি জিণ্টাই নিজৰ ইনষ্টাগ্ৰাম একাউণ্টত শেহতীয়াকৈ শ্বেয়াৰ কৰা এটা ভিডিঅ'ত তেওঁৰ পাচলি বাগিছাখন দেখুৱাইছে। প্ৰসাধন ব্যৱহাৰ নকৰাকৈ বগা টপৰ সৈতে সাধাৰণ ৰূপত ভিডিঅ'টোত দেখা গৈছে অভিনেত্ৰীগৰাকীক । ভিডিঅ'টোৰ আৰম্ভণিতে প্ৰীটি জিণ্টাই অনুৰাগীসকলক সম্ভাষণ জনাই অতি উৎসাহেৰে নিজৰ পাচলি বাগিছাখন প্ৰদৰ্শন কৰে । সতেজ কেপচিকামেৰে ভৰি আছে অভিনেত্ৰীগৰাকীৰ পাচলি বাগিছাখন । লকডাউনৰ সময়ত আৰম্ভ কৰা বাগিছা খুব ভাল পোৱাৰ লগতে সতেজ পাচলি উৎপাদনৰ অভিজ্ঞতাও লাভ কৰিছে বুলি ব্যক্ত কৰে অভিনেত্ৰীগৰাকীয়ে।

ঘৰতে পাচলিৰ খেতি কৰিবলৈ উৎসাহ যোগোৱাৰ বাবে অভিনেত্ৰীগৰাকীয়ে নিজৰ মাতৃকো ধন্যবাদ জ্ঞাপন কৰে । এই পোষ্টটো শ্বেয়াৰ কৰাৰ প্ৰথম ৩০ মিনিটত ৩৮ গৰাকী অনুৰাগীয়ে ভিডিঅ'টো চায় । অৱশ্যে আন বলীউড তাৰকাৰ তুলনাত পলমকৈ ছ'চিয়েল মিডিয়াত সক্ৰিয় হোৱা দেখা গৈছে প্ৰীটি জিণ্টাক।