চিটাৰা ডেস্ক,২৯ মাৰ্চ: পুনৰ দক্ষিণ ভাৰতীয় অভিনেতা প্ৰভাসৰ ঘৰলৈ আহিল এখন নতুন বিলাসী বাহন । শেহতীয়াকৈ অভিনেতাগৰাকীয়ে ক্ৰয় কৰিছে ৬ কোটি টকা মূল্যৰ এখন লেম্বৰগিনি এভেণ্টেডৰ এছ ৰোডষ্টাৰ ।
ছ'চিয়েল মিডিয়াত ভাইৰেল হৈছে প্ৰভাসে গাড়ীখন চলাই থকাৰ ফটো আৰু ভিডিঅ' । অভিনেতাগৰাকীয়ে ইতিমধ্যে বি এম ডব্লিউ ৫২০ ডি, ইন'ভা খৃষ্টা, জাগুৱাৰ এক্স জে এল আৰু ৰেঞ্জ ৰ'ভাৰ ভ'গ ক্ৰয় কৰি বিলাসী গাড়ী ক্ৰয়ৰ প্ৰতি আকৰ্ষণ থকাৰ আভাস দিছিল ।
তথাপিও এতিয়ালৈকে ক্ৰয় কৰা বিলাসী বাহনসমূহৰ ভিতৰত লেম্বৰগিনি এভেণ্টেডৰ এছ ৰোডষ্টাৰ হৈছে আটাইতকৈ বেছি দামী বাহন । কমলা ৰঙৰ এই বাহনখনত স্প’ৰ্টছ কাৰৰ সকলো সুবিধা আছে । ছ'চিয়েল মিডিয়াত ভাইৰেল হোৱা ভিডিঅ'টোত নিশাৰ ৰাজপথত প্ৰভাসে বাহনখন চলাই দেখা গৈছে ৷
আনহাতে, প্ৰভাস বৰ্তমান আগন্তুক ছবি 'আদিপুৰুষ'ৰ কামত ব্যস্ত হৈ আছে । অভিনেতাজনক ৰোমাণ্টিক ছবি ৰাধেশ্যামতো দেখা পোৱা যাব ৷ এই ছবিখন তেলেগু, তামিল, হিন্দী, কানাড়া আৰু মালায়ালম ভাষাত মুক্তি লাভ কৰিব ।
লগতে পঢ়ক: ফিল্মফেয়াৰ বঁটাৰ শীৰ্ষত ইৰফান-তাপচী