চলমান খানৰ সৈতে এইবাৰ পূজা হেগ্ৰেক দেখিবলৈ পোৱা যাব কভী ঈদ কভী দিৱালীত

চলমান খান অভিনীত কভী ঈদ কভী দিৱালীত চলমান খানৰ বিপৰীতে মুখ্য চৰিত্ৰত অভিনয় কৰিব পূজা হেগ্ৰে ৷ ছবিখনৰ নিৰ্মাতা সাজিদ নাদিয়াদৱালাৰ মতে,এই চৰিত্ৰৰ বাবে পূজা যথেষ্ট ফিট আৰু চলমান খানৰ সৈতে পূজাৰ যুঁটিটো যথেষ্ট হিট ৰূপে পৰিচিত হ'ব অনাগত দিনত ৷

চিটাৰা ডেস্ক,11 ফেব্ৰুৱাৰীঃ2021 বৰ্ষৰ ঈদত আহি আছে চলমান খানৰ নতুন ছবি কভী ঈদ কভী দিৱালী ৷ এই ছবিখনত এইবাৰ চলমান খানৰ সৈতে অভিনয় কৰিব পূজা হেগ্ৰে ৷ ছবি নিৰ্মাতা সাজিদ নাদিয়াদৱালাই এক প্ৰসিদ্ধ সংবাদ পত্ৰৰ সৈতে হোৱা সাক্ষাৎকাৰ যোগে জানিবলৈ দিয়ে এই কথা ৷ তেওঁ কয় যে, "পূজাৰ সৈতে হাউচফুল কৰাৰ পিছত আমাৰ অনুভৱ হ'ল যে, তাই ছবিখনৰ বাবে সম্পূৰ্ণ ফিট ৷"

লগতে চলমান খানৰ সৈতে পূজাৰ যুঁটিটো যথেষ্ট হিট ৰূপে পৰিচিত হ'ব বুলিও আশা প্ৰকাশ কৰে ৷

লগতে নিৰ্মাতা গৰাকীয়ে ছবিখন সন্দৰ্ভত কয় যে, "এই ছবিখন কিক-2 ছবিখনৰ পূৰ্বেই লিখিবলৈ আৰম্ভ কৰিছিলো ৷ ছবিখনে দৰ্শকক এটা বেলেগধৰণৰ দৃষ্টিকোণ দেখাবলৈ চেষ্টা কৰিব ৷ আমাৰ বিশ্বাস আমি পৰিকল্পনা কৰা চলমান খানৰ চৰিত্ৰটোক দৰ্শকে পচন্দ কৰিব ৷ "
এই বৰ্ষৰ অক্টোবৰৰ ফালে আহিব লগা ছবিখনে দৰ্শকক কিমান দূৰ আমোদ দিবলৈ সক্ষম হ'ব , সেয়া সময়তহে জানিব পৰা যাব ৷

লগতে পঢ়কঃএটা দশকৰ পিছত দৰ্শকৰ মাজলৈ উভতিব সুষ্মিতা সেন