চিটাৰা ডেস্ক,22 জুলাইঃবিগত কিছুদিন পূৰ্বে ক'ভিড-19 ৰোগত আক্ৰান্ত হোৱাৰ ফলত মুম্বাইৰ নানাৱতী হাস্পতালত ভৰ্ত্তি হৈ আছে বলীউডৰ প্ৰসিদ্ধ অভিনেতা অমিতাভ বচ্চন ৷ কিন্তু কৰ'ণা যুদ্ধৰ মাজতে তেওঁ সক্ৰিয় হৈ আছে ছ'চিয়েল মিডিয়া ক্ষেত্ৰখনত ৷ ছ'চিয়েল মিডিয়াৰ সহায়েৰে অমিতাভ বচ্চনে নিজৰ স্বাস্থ্যৰ প্ৰতিটো খবৰ প্ৰদান কৰি আছে অনুৰাগীসকলক ৷
শেহতীয়াকৈ তেওঁ এটা টুইট শ্বেয়াৰ কৰিছে,য'ত তেওঁ যথেষ্ট আৱেগিক হৈ পৰা পৰিলক্ষিত হৈছে ৷ পোলেণ্ডৰ এখন বিশ্ববিদ্যালয়ত বিগ বিৰ পিতৃ হৰিবংশ ৰায়ৰ মধুশালা নামৰ জনপ্ৰিয় কবিতাটো পাঠ কৰাৰ এটা ভিডিঅ' শ্বেয়াৰ কৰি যথেষ্ট আৱেগিক হৈ পৰিছে জ্যেষ্ঠ অভিনেতাগৰাকী ৷