চিটাৰা ডেস্ক,6 জানুৱাৰীঃশীঘ্ৰেই নিৰ্মাণ হ'ব ভাৰতৰ প্ৰাক্তন ৰাষ্ট্ৰপতি স্বৰ্গীয় আব্দুল কালামৰ বায়পিক ৷অভিনেতা পৰেশ ৰাৱলে অভিনয় কৰিব ভাৰতৰ প্ৰাক্তন ৰাষ্ট্ৰপতি গৰাকীৰ ওপৰত নিৰ্মিত বায়পিকখনত ৷ নিজৰ টুইটাৰ একাউন্টযোগে এই কথা প্ৰকাশ কৰে অভিনেতা পৰেশ ৰাৱলে ৷ এ.পি.জে আব্দুল কালাম আছিল এগৰাকী সাধু ব্যক্তি আৰু আব্দুল কালামৰ দৰে ব্যক্তিৰ চৰিত্ৰ ৰূপায়ণ কৰাটো তেওঁৰ বাবে যথেষ্ট সৌভাগ্যৰ কথা বুলি টুইটাৰযোগে প্ৰকাশ কৰে অভিনেতাগৰাকীয়ে ৷
আব্দুল কালামৰ ওপৰত নিৰ্মিত বায়পিকখন সংযুক্ত ৰূপত পৰিচালনা কৰিছে অভিষেক আগৰৱালা আৰু অনিল সুনকাৰাই ৷ জানিব পৰা মতে, ছবিখন হিন্দী আৰু ইংৰাজী দুয়োটা ভাষাতে নিৰ্মাণ কৰা হ'ব ৷ অৱশ্যে ছবিখনৰ নিৰ্মাতাই পৰেশ ৰাৱেলৰ বাদে এই পৰ্যন্ত ছবিখনৰ বাবে বাকী সমূহ চৰিত্ৰ আৰু কলা-কুশলী নিৰ্ণয় কৰা নাই ৷