সুশান্তৰ বাবে কৰা প্ৰাৰ্থনাত অংশগ্ৰহণ কৰিলে 10 লাখতকৈ অধিক লোকে

15 আগষ্টৰ দিনা সুশান্ত সিং ৰাজপুতৰ বাবে ৰখা হৈছিল "গ্ল'বেল প্ৰেয়াৰ মিট" ৷ অভিনেতা গৰাকীৰ ভগ্নী শ্বেতা সিং কীৰ্তিৰ মতে, প্ৰাৰ্থনা সভাত 10 লাখতকৈ অধিক লোক গোট খাইছিল ৷ লগতে শ্বেতাই প্ৰাৰ্থনা সভাত অংশগ্ৰহণ কৰা সকলো লোককে কৃতজ্ঞতা জ্ঞাপন কৰে ছ'চিয়েল মিডিয়া যোগে ৷

চিটাৰা ডেস্ক,17 আগষ্টঃ সুশান্ত সিং ৰাজপুতৰ ভগ্নী শ্বেতা সিং কীৰ্তিয়ে জনাইছে যে, প্ৰসিদ্ধ অভিনেতা সুশান্তৰ বাবে ৰখা গ্ল'বেল প্ৰাৰ্থনা সভাত 10 লাখতকৈ অধিক লোকে অংশগ্ৰহণ কৰিছে ৷

সুশান্তৰ ভগ্নী শ্বেতা সিং কীৰ্তিয়ে প্ৰাৰ্থনা সভাত অংশগ্ৰহণ কৰা সকলো লোককে কৃতজ্ঞতা জ্ঞাপন কৰে ছ'চিয়েল মিডিয়া যোগে ৷ শ্বেতাই লগতে এখন ফটো কলাজো শ্বেয়াৰ কৰে ছ'চিয়েল মিডিয়াত ৷

শ্বেতাৰ লগতে সুশান্তৰ প্ৰাক্তন প্ৰেমিকা অংকিতা লৌখণ্ডেও শ্বেতাক সমৰ্থন কৰাৰ লগতে অংশগ্ৰহণ কৰে এই প্ৰাৰ্থনা সভাত ৷ অংকিতাই কমেন্ট যোগে লিখিছে," প্ৰাৰ্থনাই সকলো সলনি কৰি দিব পাৰে ৷"

অংকিতা লৌখণ্ডেৰ প'ষ্ট

লগতে পঢ়কঃলুটকেছৰ বাবে কুনাল কেমুৰ প্ৰশংসাত পঞ্চমুখ হ'ল বিগ বি