ভুৱা ই-মেইল গোচৰ: চিআইইউৰ কাৰ্যালয়ত হৃতিক ৰোশন

ভুৱা ই-মেইলৰ গোচৰ সন্দৰ্ভত বিবৃতি ৰেকৰ্ড কৰাৰ উদ্দেশ্যে ক্ৰাইম ইণ্টেলিজেন্স ইউনিট (চিআইইউ) ৰ আয়ুক্তৰ কাৰ্যালয়ত উপস্থিত অভিনেতা হৃতিক ৰোশন ৷ অভিনেত্ৰী গৰাকীয়ে হৃতিকক silly ex হিচাপে আখ্যা দিয়াৰ পাছতে 2016 চনত হৃতিকে ৰাণাৱটলৈ এখন আইনী জাননী প্ৰেৰণ কৰিছিল ৷

চিটাৰা ডেস্ক,27 ফেব্ৰুৱাৰী:ভুৱা ই-মেইলৰ গোচৰ সন্দৰ্ভত বিবৃতি ৰেকৰ্ড কৰাৰ উদ্দেশ্যে শনিবাৰে পুৱা প্ৰায় 11:45 বজাত ক্ৰাইম ইণ্টেলিজেন্স ইউনিট (চিআইইউ) ৰ আয়ুক্তৰ কাৰ্যালয়ত উপস্থিত হৈছে বলিউদৰ অভিনেতা হৃতিক ৰোশন ৷ মুম্বাইৰ অপৰাধ শাখাই কংগনা ৰাণাৱটলৈ হৃতিকৰ নামত কৰা ভুৱা ই-মেইলৰ গোচৰত অভিনেতা গৰাকীক তলৱ কৰিছিল ৷

2016 চনৰ হৃতিকে এক অভিযোগ কৰিছিল যে, তেওঁৰ নামত অভিনেত্ৰী কংগনা ৰাণাৱটলৈ কিছুমান ই-মেইল প্ৰেৰণ হৈছে আৰু এই কাম তেওঁ কৰা নাই ৷ উক্ত অভিযোগত এই কথা উল্লেখ কৰা হৈছিল যে, কোনো দুস্কৃতিকাৰীয়ে হৃতিকৰ নাম লৈ অভিনেত্ৰী কংগনা ৰাণাৱটক কোনো ভুৱা ই-মেইল একাউণ্টেৰে মেইল কৰিছে ৷ এই অভিযোগৰ পাছতে দুয়োগৰাকীৰ মাজত যথেষ্ট বিবাদৰ সৃষ্টি হৈছিল ৷

অভিনেত্ৰী গৰাকীয়ে হৃতিকক silly ex হিচাপে আখ্যা দিয়াৰ পাছতে 2016 চনত হৃতিকে ৰাণাৱটলৈ এখন আইনী জাননী প্ৰেৰণ কৰিছিল ৷ উল্লেখ্য যে অভিনেতা গৰাকীয়ে কংগনাৰ সতে কোনো ধৰণৰ সম্পৰ্কত থকাৰ কথা অস্বীকাৰ কৰিছিল ৷

এই ঘটনাৰ পাছতে কংগনাইও তেওঁলৈ এশৰো অধিক যুক্তিবিহীন ই-মেইল প্ৰেৰণ কৰা বুলি হৃতিকে অভিযোগ কৰিছিল ৷ হৃতিকৰ অভিযোগৰ ভিত্তিতেই চাইবাৰ চেলে 2016 ত তদন্তৰ উদ্দেশ্যে হৃতিকৰ লেপটপ আৰু মোবাইল লৈ লৈছিল ৷

হৃতিকে কংগনাৰ বিৰুদ্ধে ইমেইল প্ৰেৰণ কৰি হাৰাশাস্তি কৰাৰ অভিযোগ উত্থাপন কৰাৰ বিপৰীতে কংগনাই এই অভিযোগ নাকচ কৰিছিল ৷ অৱশেষত ভাৰতীয় দণ্ডবিধি আইনৰ ধাৰা 419 আৰু তথ্য প্ৰযুক্তি আইনৰ 66D আধাৰত অচিনাক্ত দুস্কৃতিকাৰীৰ বিৰুদ্ধে গোচৰ ৰুজু কৰা হৈছিল ৷

লগতে পঢ়ক:ঋত্বিক ৰোশ্যনক ইমপোষ্টাৰ গোচৰত আৰক্ষীয়ে তলব কৰাৰ সম্ভাৱনা