3 লাখ নিবনুৱাক সংস্থাপন দিব চনু চুডে

জন্মদিনৰ দিনা বিশেষ ঘোষণা জনপ্ৰিয় অভিনেতা চনু চুডৰ ৷ 3 লাখ প্ৰবাসী নিবনুৱাক সংস্থাপন দিব অভিনেতাগৰাকীয়ে ৷

চিটাৰা ডেস্ক,30 জুলাইঃ বাস্তৱ জীৱনৰ নায়ক চনু চুডৰ আজি 47 সংখ্যক জন্মদিন ৷ এই বিশেষ দিনটোত বিশেষ ঘোষণা কৰিছে অভিনেতা গৰাকীয়ে ৷ নিজৰ জন্মদিনৰ দিনা তেওঁ ছ'চিয়েল মিডিয়া যোগে ঘোষণা কৰিছে যে তেওঁ অনাগত দিনত সংস্থাপন দিব 3 লাখ প্ৰবাসী শ্ৰমিকক ৷

অভিনেতা গৰাকীয়ে লক্ ডাউনৰ সময়খিনিত হাজাৰ হাজাৰ প্ৰবাসী শ্ৰমিকক নিজৰ ৰাজ্যলৈ ঘূৰি যোৱাৰ সুবিধা কৰি দিছিল ৷ শেহতীয়াকৈ বৃহস্পতিবাৰে পুনৰ তেওঁ কৰিছে এক বিশেষ ঘোষণা ৷ এই মাহৰ প্ৰথমতে তেওঁ এটা প্ৰবাসী ৰ'জগাৰনামৰ এটা পৰ্টেল মুকলি কৰিছিল ৷ এই পৰ্টেল যোগে তেওঁ তিনি লাখ প্ৰবাসী শ্ৰমিকক সংস্থাপনৰ ব্যৱস্থা কৰি দিব ৷ তেওঁ লগতে জনাইছে এই সংস্থাপনত থাকিব পি.এফ আৰু ই.এচ.আইৰ ব্যৱস্থা ৷

তেওঁ এই কথা প্ৰকাশ কৰিছে তেওঁৰ ইনষ্টাগ্ৰাম একাউন্ট যোগে ৷ লগতে তেওঁক এই কামত সহায় কৰা তিনিটা সংগঠনক ধন্যবাদ জ্ঞাপন কৰে অভিনেতাগৰাকীয়ে ৷

প্ৰবাসী শ্ৰমিকৰ বাবে তেওঁ বৰ্তমান ভগৱানৰ দূত সদৃশ হৈ পৰিছে ৷ কেৱল প্ৰবাসী শ্ৰমিকেই নহয় তেওঁ বিগত সময়ছোৱাত বহু দৰিদ্ৰ লোকক সহায় কৰি নিজৰ মহানুভৱতা প্ৰদৰ্শন কৰিছে ৷

লগতে চাওকঃ47 বছৰীয়া হ'ল বাস্তৱ জীৱনৰ নায়ক চনু চুড