#Boycott_Kanganaৰ উচিত প্ৰত্যুত্তৰ কংগনা ৰানাৱটৰ

টুইটাৰত #Boycott_Kangana ট্ৰেণ্ড হোৱাৰ পাচত প্ৰতিক্ৰিয়া ব্যক্ত কৰে অভিনেত্ৰী কংগনা ৰানাৱটে ৷ কিছুমান ‘মাফিয়া’ই তেওঁক হতাশ কৰিবলৈ এই কাম কৰা বুলি তেওঁ প্ৰত্যুত্তৰ দিয়ে ৷

চিটাৰা ডেস্ক, 24 আগষ্ট: সোমবাৰৰ দিনটোত টুইটাৰত ট্ৰেণ্ড হোৱা #Boycott_Kangana হেশ্বটেগক লৈ প্ৰতিক্ৰিয়া প্ৰকাশ পৰিছে অভিনেত্ৰী কংগনা ৰানাৱটে ৷ কিছুমান ‘মাফিয়া’ই তেওঁক হতাশ কৰিবৰ বাবে এই কাম কৰা বুলি প্ৰত্যুত্তৰ দিয়ে অভিনেত্ৰী কংগনাই ৷

দিনটোৰ শীৰ্ষ ট্ৰেণ্ড #Boycott_Kangana সন্দৰ্ভত নিজৰ মাইক্ৰ’ব্লগিং একাউণ্টযোগে কংগনাই কয় যে, ‘‘অৱশেষত এন্দুৰ গাঁতৰ পৰা ওলাই আহিল’’ ৷

ইয়াৰোপৰি ৰণবীৰ কাপুৰ, কৰণ জোহৰ, আলিয়া ভাট আৰু বৰুণ ধৱনৰ এখন ক’লাজ ফটোত এফালে ‘ভাইৰাছ’ আৰু আনফালে ‘চেনিটাইজাৰ’ কেপচন লিখি তেওঁ ফটোখন শ্বেয়াৰ কৰা পৰিলক্ষিত হৈছে ৷

কংগনাই কয় যে, #Boycott_Kanganaক লৈ তেওঁ অকণো শংকিত নহয় ৷ ইয়াৰ বিপৰীতে অন্য প্ৰচেষ্টা হাতত ল’বলৈ প্ৰত্যাহ্বান জনায় অভিনেত্ৰী গৰাকীয়ে ৷

ইয়াৰ পাচতে কংগনাৰ অনুৰাগীসকলে #Jhansi_Ki_Rani_Kangana হিন্দী হেশ্বটেগেৰে টুইটাৰত ট্ৰেণ্ড আৰম্ভ কৰে ৷ অৱশেষত এই ট্ৰেণ্ডটো শীৰ্ষত থকাৰ বাবে কংগনাই সকলো অনুৰাগীকে ধন্যবাদ জ্ঞাপন কৰে ৷

তেওঁ কয় যে, #Jhansi_Ki_Rani_Kangana হেশ্বটেগে সকলো নকল ট্ৰেণ্ডক চেৰ পেলাইছে ৷ সঁচা স্নেহ বিনামূলীয়াকৈ পোৱা নাযায় ৷ আশা কৰো মুভী মাফিয়াসকলে বুজি পাইছে ৷

লগতে পঢ়ক:কৌন বনেগা কৰোড়পতিৰ শ্বুটিঙলৈ উভতিছে বিগ বি