চিটাৰা ডেস্ক, 13 আগষ্টঃমহেশ ভাটৰ দ্বাৰা নিৰ্দেশিত আগন্তুক ছবি ছড়ক-2 ৰ ট্ৰেইলাৰে মুক্তিৰ কিছু ক্ষণৰ পিছতে অভিলেখ গঢ়িবলৈ সক্ষম হৈছে ৷ ট্ৰেইলাৰ মুক্তিৰ কিছু ঘন্টাৰ পিছতে দৰ্শকৰ অপচন্দৰ সংখ্যাই সুকীয়া ৰেকৰ্ড গঢ়িলে ৷ আচলতে দৰ্শকৰ ঘৃণাৰ বহিঃপ্ৰকাশ ঘটিল ট্ৰেইলাৰটোৰ ক্ষেত্ৰত ৷ নেপ'টিজমৰ ধাৰাটোক কোনো কাৰণতে শিপাবলৈ নিদি দৰ্শকে যেন এইবাৰ নিজৰ শক্তি প্ৰদৰ্শন কৰিছে ৷ বৰ্তমানলৈকে ট্ৰেইলাৰটোৱে 5 মিলিয়নতকৈ অধিক ডিচলাইক পাইছে ৷
মহেশ ভাটৰ নিৰ্দেশিত 90 দশকৰ জনপ্ৰিয় ছবি ছড়কৰ ছিকুৱেলছড়ক-2ত অভিনয় কৰিছে সঞ্জয় দত্ত, পূজা ভাট, আলিয়া ভাট, আদিত্য ৰায় কাপুৰৰ দৰে তাৰকাই ৷
অৱশ্যে বহু দৰ্শকে সঞ্জয় দত্তৰ অভিনয় পচন্দ কৰিছে ৷ বহুতৰ মতে যেন সঞ্জয় দত্তৰ ক্ষেত্ৰত উলুৰ লগত বগৰী পোৰা সদৃশ ঘটনা হৈছে ৷ এইখিনিতে জনাই থওঁ যে, শেহতীয়াকৈ অভিনেতা সঞ্জয় দত্তৰ শৰীৰত ধৰা পৰিছে হাঁওফাঁওৰ কৰ্কট ৰোগ ৷ তাৰ বাবে তেওঁৰ অনুৰাগীসকলে ভগৱানৰ ওচৰত তেওঁৰ আশু আৰোগ্য কামনা কৰিছে ৷