নিউজ ডেস্ক,১৭ জুলাই: বৰ্তমান মুম্বাইৰ নানাৱতী চুপাৰ স্পেচিয়েলিটি হাস্পতালত চিকিৎসাধীন হৈ ক'ভিড-১৯ ৰ চিকিৎসা কৰাই থকাৰ অৱস্থাতে বিগ বিৰ প্ৰশংসক তথা গুণমুগ্ধ সকলক কৰিলে কৃতজ্ঞতা জ্ঞাপন । টুইটৰ জড়িয়তে কৰা ধন্যবাদ সূচক প'ষ্টটোত বলিউডৰ চাহেনশ্বাহ গৰাকীয়ে উল্লেখ কৰিলে যে, সামাজিক মাধ্যমৰ জড়িয়তে তেখেতে সকলো গুণমুগ্ধৰ শুভ বাৰ্তা সমূহ পাই আহিছে ।
তেখেতে উল্লেখ কৰিলে,মই প্ৰতি মুহুৰ্তত হোৱাটচএপ,এচএমএচ তথা ইনষ্টা ব্ল'গৰ জড়িয়তে আপোনালোকৰ মৰম আৰু প্ৰাৰ্থনা পাই আহিছো। মোৰ কৃতজ্ঞতাৰ কোনো ভাষা নাই । চিকিৎসালয়ৰ প্ৰতিবন্ধকতাৰ বাবে মই অধিক ক'ব নোৱাৰিম ।
গুনমুগ্ধক ধন্যবাদ জ্ঞাপন কৰি বিগ বিয়ে ক'লে:কৃতজ্ঞতাৰ বাবে মোৰ ভাষা নাই
টুইটাৰৰ আন এটা প'ষ্টত মেগাষ্টাৰ গৰাকীয়ে ঈশ্বৰক জনাইছে প্ৰণাম। উল্লেখ্য যে,কিছুদিন পূৰ্বে সামাজিক মাধ্যমৰ জড়িয়তে অভিনেতা গৰাকীয়ে চিকিৎসক আৰু নাৰ্চ সকলক উদ্দেশ্যি কৃতজ্ঞতা সূচক এক বাৰ্তা লিখিছিল ।
সকলোৰে প্ৰিয় এইগৰাকী অভিনেতাৰ আশু আৰোগ্য কামনাৰে সমগ্ৰ দেশতে সকলোৱে কৰিছে প্ৰাৰ্থনা । অমিতাভ বচ্চনৰ উপৰিও তেখেতৰ পুত্ৰ অভিষেক বচ্চন,বোৱাৰী ঐশ্বৰ্য ৰায় বচ্চন আৰু নাতিনি আৰাধ্য বচ্চনৰো দেহত ক'ভিড-১৯ৰ ভাইৰাছৰ উপস্থিতি ধৰা পৰিছিল। অৱশ্যে বিগ বিৰ পত্নী জয়া বচ্চনৰ শৰীৰত পোৱা নগ'ল মাৰাত্মক ভাইৰাছ ক'ভিড-১৯ৰ অৱস্থিতি ।
লগতে চাওকঃ মঙলদৈত ১৭০খনতকৈ অধিক গাঁও বানৰ কৱলত: খাদ্যৰ সন্ধানত কৰিছে হাহাকাৰ
