নগ্ন ফটো শ্বেয়াৰ কৰি ৰোষত পৰিল মিলিণ্ড চোমন

মিলিণ্ড চোমনৰ গোৱাৰ সাগৰৰ পাৰত আৱদ্ধ কৰা নগ্ন ফটো শ্বেয়াৰক লৈ মডেল গৰাকীৰ বিৰুদ্ধে গোৱা আৰক্ষী থানাত গোচৰ ৰুজু কৰে গোৱা সুৰক্ষা মঞ্চই ৷ মিলিণ্ডে সাৰ্বজনিক স্থানত অশালীনতাক দেখুওৱাৰ লগতে গোৱাক ভুল ছবিৰে উপস্থাপন কৰা বুলি অভিযোগ উত্থাপন সুৰক্ষা মঞ্চৰ ৷

চিটাৰা ডেস্ক, 7 নৱেম্বৰ : শেহতীয়াকৈ মডেল মিলিণ্ড চোমনে তেওঁৰ জন্মদিনৰ দিনা গোৱাৰ সাগৰৰ পাৰত আৱদ্ধ কৰা এখন নগ্ন ফটো শ্বেয়াৰ কৰাৰ পাচতে গোৱা আৰক্ষী থানাত মডেল গৰাকীৰ বিৰুদ্ধে এক গোচৰ ৰুজু কৰা হয় ৷ মিলিণ্ডে অশালীনতা বিয়পোৱা বুলি অভিযোগ তুলি এই গোচৰ ৰুজু কৰা বুলি শনিবাৰে আৰক্ষীৰ সূত্ৰই জানিবলৈ দিয়ে ৷

উল্লেখ্য় যে,শুকুৰবাৰে গোৱাৰ এক ৰাজনৈতিক সংগঠন গোৱা সুৰক্ষা মঞ্চ (GSM)য়ে মিলিণ্ড চোমনৰ বিৰুদ্ধে গোচৰ ৰুজু কৰে ৷

দক্ষিণ গোৱাৰ আৰক্ষী অধীক্ষক পংকজ কুমাৰ সিঙে সদৰি কৰা মতে,‘‘ভাৰতীয় দণ্ডবিধি আইনৰ 294 আৰু 67 নং ধাৰাৰ ভিত্তিত গোৱা সুৰক্ষা মঞ্চই চোমনৰ বিৰুদ্ধে গোচৰ ৰুজু কৰে’’ ৷

মডেল মিলিণ্ডে ৰাজহুৱা স্থানত অশালীনতাক দেখুওৱাৰ লগতে গোৱাক ভুল ছবিৰে উপস্থাপন কৰিছে ৷ মিলিণ্ডৰ বিৰুদ্ধে এইদৰে অভিযোগ উত্থাপন কৰে GSMয়ে ৷

লগতে পঢ়ক :অনুস্কাই পোষ্ট কৰিলে বিৰাটৰ জন্মদিনৰ ফটো