দীপিকা পাডুকন আৰু জে.এন.ইউ বিবাদ সন্দৰ্ভত কি বিচাৰ আগবঢ়ালে মেঘনা গুলজাৰে ?

বক্স অফিচত চপ্পক ছবিখনৰ ক্ষেত্ৰত দীপিকা পাডুকনৰ জে.এন.ইউ যাত্ৰাই প্ৰভাৱ পেলাইছে বুলি মন্তব্য চলচ্চিত্ৰ পৰিচালক মেঘনা গুলজাৰৰ

চিটাৰা ডেস্ক,14 জানুৱাৰীঃজে.এন.ইউ কাণ্ডত আহত হোৱা ছাত্ৰৰ বাবে মাত মাতি শেহতীয়াকৈ যথেষ্ট চৰ্চিত হৈ পৰিছে অভিনেত্ৰী দীপিকা পাডুকন ৷ অভিনেত্ৰীগৰাকীৰ সদ্যমু্ক্তিপ্ৰাপ্ত চপ্পক ছবিখনত এইকথাখিনিয়ে যথেষ্ট প্ৰভাৱ পেলাইছে ৷

এই কথা ভালকৈ অনুভৱ কৰিছে ছবি পৰিচালক মেঘনা গুলজাৰে ৷ টেলিফোনিক ইন্টাৰভিউ যোগে মেঘনাই পি.টি.আইক জনায় যে, "আমাৰ ব্যক্তিগত আৰু পেচাগত কথাৰ মাজত পাৰ্থক্য থাকে ৷ কোনোবাই ব্যক্তিগত জীৱনত কি কৰিছে আৰু পেচাগত জীৱনত কি কৰিছে সেই দুটাই পৃথক ধৰণে অনুধাৱন কৰাটো জৰুৰী ৷ "

মনকৰিবলগীয়া যে, একে সময়তে মুক্তি পাইছিল দীপিকা পাডুকন অভিনীত ছবি চপ্পক আৰু অজয় দেৱগন অভিনীত তানহাজী ছবি দুখন ৷এইক্ষেত্ৰত মেঘনা গুলজাৰে উল্লেখ কৰে যে, দুয়োখন ছবিয়ে সম্পূৰ্ণ পৃথক ৷ দুয়োখনৰ পৰাই দৰ্শকে পাব পৃথক অনুভৱ ৷

লগতে পঢ়কঃমুকলি হ'ল অসমৰ বিনোদন জগতৰ এক নতুন মঞ্চ "70mm "