নিউজ ডেস্ক,২০ জুন :আপুনি হয়তো দেখি আচৰিত হ'ব, কিন্তু চছিয়েল মিডিয়াত এতিয়া খলকনি তুলিছে জুনিয়ৰ অমিতাভ বচ্চনৰ ভিডিঅ'য়ে । এই জুনিয়ৰ অমিতাভ বচ্চন জনৰ নাম হৈছে শশীকান্ত পেড়ৱাল । পেচাত এজন অধ্যাপক শশীকান্ত পেড়ৱাল,অমিতাভ বচ্চনৰ অনুৰাগী। চছিয়েল মিডিয়াত পেড়ৱালৰ ভাইৰেল হোৱা ভিডিঅ' সমূহত তেওঁক বিগ বি'ৰ জণপ্ৰিয় সংলাপ সমূহৰ মিমিক্ৰি কৰা দেখিবলৈ পোৱা গৈছে। পেড়ৱালৰ ভংগিমা,সাজ-সজ্জা,আচাৰ-আচৰণ,ব্যৱহাৰ সকলো বিগ বি'ৰ লগতে সম্পূৰ্ণ মিল আছে।
সংবাদ মাধ্যমৰ পেড়ৱালে জনোৱা অনুসৰি,পেড়ৱালে কলেজত পঢ়ি থকা সময়ৰে পৰা বিগ বি'ৰ জণপ্ৰিয় সংলাপ সমূহৰ মিমিক্ৰি কৰিবলৈ চেষ্টা কৰিছিল আৰু কলেজৰ বিভিন্ন অনুষ্ঠানত অংশগ্ৰহণ কৰিছিল। আৰু বিগত ১০ বছৰে তেওঁ অমিতাভ বচ্চনৰ মিমিক্ৰি কৰি আহিছে। বহু সময়ত যিসকল লোকৰ কিছুমান অনুষ্ঠানত বিগ বি'ক আমন্ত্ৰণ কৰিবলৈ সামৰ্থ নাথাকে তেওঁলোকে বিকল্প হিচাপে জুনিয়ৰ অমিতাভ বচ্চনক আমন্ত্ৰণ কৰে। বিভিন্ন অনুষ্ঠানত অংশগ্ৰহণ কৰাৰ উপৰিও তেওঁ বেচৰকাৰী সংস্থা আৰু কেন্সাৰ চিকিৎসালয় সমূহলৈও যায় । জীৱনৰ অন্তিম ক্ষণৰ স'তে যুঁজি থকা ৰোগীসকলৰ মুখত হাঁহি বিৰিঙাবলৈ তেওঁ কেন্সাৰ চিকিৎসালয় সমূহলৈ যায় বুলি তেওঁ সদৰি কৰে। তেওঁ জনোৱা অনুসৰি, তেওঁ নিজকে অমিতাভ বচ্চনৰ দৰে গঢ়ি তুলিবলৈ ৩০ বছৰ অনুশীলন কৰিছিল। তেওঁক কেৱল ভাৰতৰ বিভিন্ন অনুষ্ঠানতে নহয়,বিদেশৰো বহু অনুষ্ঠানত আমন্ত্ৰণ কৰা হয়। তদুপৰি তেওঁ সৰু পৰ্দাৰ বিভিন্ন অনুষ্ঠানতো অংশগ্ৰহণ কৰিছে।