চিটাৰা ডেস্ক, 26 ফেব্ৰুৱাৰী: তিনিগৰাকী বেষ্ট ফ্ৰেণ্ড অনন্যা, শ্বানায়া, সুহানা খুব চৰ্চিত হৈছে সামাজিক মাধ্যমত (Starkid besties Ananya Suhana Shanaya) ৷ ষ্টাৰ কিড্ছ অৱশ্যে বহু আগৰ পৰাই সকলোৰে আকৰ্ষণৰ কেন্দ্ৰবিন্দু ৷ কিন্তু ফাৰহান-শিৱানীৰ বিয়াৰ পাৰ্টীলৈ যোৱাৰ পিছৰ পৰা বেছিকৈ চৰ্চালৈ আহিছে এই তিনিগৰাকী ষ্টাৰ কিড্ছ ৷
বৃহস্পতিবাৰে নিশা চিত্ৰ নিৰ্মাতা ৰিতেশ সিধৱানীয়ে ফাৰহান-শিৱানীৰ বিয়া উপলক্ষে ৰাখিছিল এটা পাৰ্টী ৷ বলীউডৰ বিভিন্ন তাৰকাৰ সমাৱেশ ঘটিছিল পাৰ্টীটোত ৷ বিয়াৰ অনুষ্ঠানটোত তাৰকাসকলৰ সন্তান সকলে দৃষ্টি আকৰ্ষণ কৰিছিল সকলোৰে ৷
চাংকি পাণ্ডেৰ জীয়ৰী অনন্যা পাণ্ডে, সঞ্জয় কাপুৰৰ জীয়ৰী শ্বানায়া কাপুৰ আৰু শ্বাহৰুখ খানৰ জীয়ৰী সুহানাৰ মাজৰ বন্ধুত্বৰ সম্পৰ্ক সকলোৰে জনাজাত ৷ মালাইকা আৰোৰাই এই তিনিওগৰাকীৰে ফটো নিজৰ ইন্ষ্টাগ্ৰাম ষ্টোৰীত পোষ্ট কৰি লিখিলে, সকলো বেবি ডল ডাঙৰ হৈ গ’ল ৷ একেখন ফটোৱে অনন্যায়ো শ্বেয়াৰ কৰিলে নিজৰ ইন্ষ্টাগ্ৰাম ষ্টোৰীত ৷ মালাইকাই পোষ্ট কৰাৰ লগে লগে বিয়পি পৰে ফটোখন সামাজিক মাধ্যমত (Ananya Suhana Shanaya pic from Farhan Shibani wedding bash) ৷
তিনিগৰাকী বেষ্ট ফ্ৰেণ্ড অনন্যা, শ্বানায়া, সুহানা দীপিকা পাডুকনৰ পৰা আৰম্ভ কৰি গৌৰী খানলৈকে সকলো উপস্থিত থাকে বিবাহ অনুষ্ঠানটোত (Celebs at Farhan Akhtar Shibani Dandekar wedding bash) ৷ সৰহ সংখ্যকেই পৰিধান কৰিছিল ক’লা ৰং ৷
লগতে পঢ়ক:শিৱানী-ফাৰহানৰ বিয়াৰ পাৰ্টীলৈ কোন কোন বলীউড তাৰকা নিমন্ত্ৰিত আছিল
