চুইমিং পুলৰ পৰা অনুৰাগীলৈ দেওবৰীয়া শুভেচ্ছা মালাইকা আৰোৰাৰ

চুইমিং পুলৰ পৰা অৱসৰ বিনোদনৰ মূহুৰ্ত ইনষ্টাগ্ৰামযোগে শ্বেয়াৰ মালাইকা আৰোৰাৰ ৷ লগতে চৰ্চিত প্ৰেমিক অৰ্জুন কাপুৰ আৰু ভনী অমৃতাৰ সৈতেও ফটো শ্বেয়াৰ কৰিছে অভিনেত্ৰী গৰাকীয়ে ৷

চিটাৰা ডেস্ক,3 জানুৱাৰী : অভিনেত্ৰী তথা ফিটনেছ উৎসাহী মালাইকা আৰোৰাই ইনষ্টাগ্ৰামযোগে শ্বেয়াৰ কৰিছে গোৱাত কৰা অৱসৰ বিনোদনৰ মূহুৰ্ত ৷ চুইমিং পুলৰ পৰা নৱবৰ্ষত সু-চিন্তাৰ কথা ব্যক্ত কৰি অনুৰাগীসকললৈ ‘হেপী চানডে’ প্ৰেৰণ কৰে অভিনেত্ৰী গৰাকীয়ে ৷ দুদিন পূৰ্বে চৰ্চিত প্ৰেমিক অৰ্জুন কাপুৰৰ সৈতেও ফটো শ্বেয়াৰ কৰিছে মালাইকাই ৷

মালাইকা আৰু তেওঁৰ ভনী অমৃতাই নৱবৰ্ষৰ শুভক্ষণত গোৱাত অৱসৰ বিনোদন উপভোগ কৰা পৰিলক্ষিত হৈছে ৷ দুয়োকে সংগ দিছে মালাইকাৰ চৰ্চিত প্ৰেমিক অৰ্জুন কাপুৰে ৷

বিগত বৰ্ষৰ অন্তিম মাহত কৰিণা কাপুৰ খান, ছেইফ আলী খান আৰু অৰ্জুন কাপুৰৰ সৈতে ধৰ্মশালাত সময় অতিবাহিত কৰিছিল মালাইকাই ৷ কৰিণা, ছেইফ আৰু অৰ্জুনৰ আগন্তুক ছবি ‘Bhoot Police’ৰ বাবে ধৰ্মশালালৈ যোৱাৰ পৰিপ্ৰেক্ষিতত মালাইকাও তাত উপস্থিত হয় ৷

লগতে পঢ়ক :১৯৮৪ৰ শিখ বিৰোধী ৰায়তৰ আধাৰত নিৰ্মিত ছবিত অভিনয় কৰিব নেকি ডিলজিতে ?