চিটাৰা ডেস্ক,5 নৱেম্বৰঃজে.জয়াললিতাই বছৰ বছৰ ধৰি বহন কৰি আহিছে এক ধৰ্মীয় ব্যক্তিত্ব ৷ সফলতাৰ জখলা বগোৱাটো কেতিয়াও ইমান সহজ নহয় আৰু এই গৰাকী 'থলাইবী' জয়া ললিতাৰ জীৱনো ঠিক তেনেকুৱাই ৷ এগৰাকী সফলতা অভিনেত্ৰীৰ পৰা গণ্য-মান্য এগৰাকী ৰাজনৈতিক নেতা হোৱালৈকে জয়াই জীৱনত বহুত উঠা-নমা দেখিছে ৷ জীৱনৰ সকলো সমস্যাৰ পিছতো অভিনেত্ৰী গৰাকীৰ ভিতৰত বিৰাজ কৰিছিল সৰলতা আৰু কোমলতাই ৷
কোৱা হয় যে, জিকমিকাই থকা চকুৰ আঁৰত বলিদান আৰু একাগ্ৰতাৰ কাহিনী অন্তৰ্নিহিত হৈ থাকে ৷ সকলোৰে সমুখত আত্মবিশ্বাসেৰে থিয় দিয়া অভিনেত্ৰী গৰাকীৰ সফলতাপূৰ্ণ কেৰিয়াৰৰ সদৃশ সফলতা অৰ্জন কৰাৰ সপোন নেদেখা মানুহ হয়টো খুবেই কম ওলাব ৷
সকলোৰে পৰিচিত ৰাজনৈতিক নেত্ৰী জয়াললিতাৰ কাহিনীয়ে অনুপ্ৰাণিত কৰি তোলে সকলোকে ৷ নিজৰ সময়ছোৱাৰ 'ব্লকবাষ্টাৰ হিৰোইন' হোৱাৰ উপৰিও তেওঁ তামিলনাডুৰ মুখ্যমন্ত্ৰীৰ দ্বায়িত্ব লোৱাৰ লগতে সেই দ্বায়িত্বভাৰ সুন্দৰকৈ বহনো কৰিছিল ৷
সঁচা মনৰ এজনী ছোৱালী, যি নিৰ্দয় পৃথিৱীৰ পৰা ক্ষোভিত হৈ নিজকে মাৰি পেলোৱাৰ সিদ্ধান্ত লৈছিল ৷ সেইগৰাকী ছোৱালীয়ে এদিন সাহসেৰে তামিলনাডুৰ এগৰাকী প্ৰভাৱী মুখ্যমন্ত্ৰী হ'বলৈ সক্ষম হৈছিল ৷ সেই সময়ৰ মুখ্যমন্ত্ৰী কৰুণানিধিৰ আদেশ মৰ্মে শাসকীয় দলৰ দ্বাৰা বিধানসভাত অধ্যক্ষৰ সমুখত তেওঁক আক্ৰমণ কৰাৰ পিছতো তেওঁ সম্পূৰ্ণ সাহসেৰে সেই পৰিস্থিতি নিয়ন্ত্ৰণ কৰাৰ লগতে অটল থাকে নিজৰ স্থিতিত ৷সময় বাগৰাৰ লগে লগে তেওঁ আৰু অধিক সক্ষম হৈ উঠিল ৷