ৰাধে শ্যামক লৈ কে আৰ কে ৰিয়েকছন দেখি ট্ৰ’ল কৰা সকলৰ চকু কপালত উঠিছে

নতুন কিবা বিষয় এটা ওলালেই নিজৰ মতেৰে বিষয়টো অধিক জটিল ৰূপ দিয়া অভিনেতা সমালোচক কমল আৰ খান থোৰতে কে আৰ কে পুনৰ আহিছে চৰ্চালৈ ৷ 11 মাৰ্চত মুক্তি লাভ কৰা ছবি ৰাধে শ্যামৰ প্ৰসংগত মন্তব্য কৰি নেটিজেনৰ দৃষ্টি আকৰ্ষণ কৰিছে কে আৰ কেই (KRK on radhe shyam) ৷ কি ক’লে তেওঁ ছবিখনৰ প্ৰংসগত ? জানো আহকচোন-

চিটাৰা ডেস্ক, 11 মাৰ্চ : ক’ভিড-19 মহামাৰীৰ বাবে কেইবাবাৰো মুক্তিৰ তাৰিখ পিছোৱাই অহা ছবি ৰাধে-শ্যামে অৱশেষত মুক্তি লাভ কৰিলে 11 মাৰ্চত ৷ ছবিখনৰ প্ৰিমিয়াৰ আৰু ট্ৰেইলাৰে ইতিমধ্যেই ছবিখন হিট হোৱাৰ ইংগিত দিছিল ৷ আজি মুক্তি পোৱা ছবিখনে লাভ কৰিছে দৰ্শকৰ বিপুল সমাদৰ ৷

ৰাধে শ্যামক লৈ কে আৰ কে ৰিয়েকছন

বলীউডৰ তাৰকা আৰু চলচ্চিত্ৰক কেৱল কঠোৰ ভাষাৰে সমালোচনা কৰা কে আৰ কেৰ মুখৰ পৰা ওলাইছে মিঠা মাত (KRK reaction) ৷ তাকে দেখি এতিয়া মুখৰ মাত হেৰাইছে সামাজিক মাধ্যমত ট্ৰ’ল কৰা সকলৰ ৷ দৰাচলতে আজি মুক্তি প্ৰাপ্ত ছবি ৰাধে শ্যাম চাই নিৰ্মাতাৰ প্ৰশংসাত পঞ্চমুখ কে আৰ কে (Radhe shyam review by KRK) ৷

ছবিখন চাই কেইবাটাও টুইট কৰি কে আৰ কেই লিখিলে, "ৰাধে শ্যামৰ নিৰ্মাতা অতি চতুৰ ৷ ভাল কাম কৰিছে তেওঁ ৷ ছবিখনৰ প্ৰথম অংশ যথেষ্ট সুন্দৰ হৈছে ৷ নিৰ্দেশকে উৎকৃষ্ট প্ৰদৰ্শন কৰিছে ৷ পূজা হেগড়ে আৰু প্ৰভাসেও নিজৰ শ্ৰেষ্ঠ অভিনয় প্ৰদৰ্শন কৰিছে" ৷

ছবিখন 100 শতাংশই হিট হ’ব বুলি মন্তব্য কৰাৰ পিছতো অৱশ্যে ছবিখনৰ দ্বিতীয় ভাগক লৈ সন্তুষ্ট ন’হল কে আৰ কে ৷ ছবিখন হিট হোৱাৰ কৃতিত্ব সম্পূৰ্ণ নিৰ্দেশকৰ বুলি কয় তেওঁ ৷ এতিয়া কে আৰ কেই মুখৰ পৰা ইমানখিনি প্ৰশংসা বাহিৰ হোৱাৰ পিছত আচৰিত হৈ পৰিছে সামাজিক মাধ্যম ব্যৱহাৰকাৰীসকল ৷

ৰাধা কৃষ্ণ কুমাৰে এক ৰোমাণ্টিক পটভূমিত নিৰ্মাণ কৰি উলিয়াইছে ৰাধে শ্যাম ৷ ছবিখনত দুই জনপ্ৰিয় তাৰকা প্ৰভাস আৰু পূজা হেগড়েই অভিনয় কৰিছে ৷

লগতে পঢ়ক:জানো আহক ৰাজনীতিবিদ ভগৱন্ত সিং মানৰ কিছু কথা-