দিব্যাংগ শিশুৰ সৈতে খ্ৰীষ্টমাচ উদযাপন কৰিলে বলীউড চিষ্টাৰ কৃতি আৰু নূপূৰে

কৃতি সেনন আৰু নূপূৰ সেননে এইবৰ্ষৰ খ্ৰীষ্টমাচ উদযাপন কৰিলে মুম্বাইস্থিত এটা স্বেচ্ছাসেৱী অনুষ্ঠানৰ দিব্যাংগ শিশুৰ সৈতে ৷ দুই ভগ্নীয়ে শিশুকেইটাক উপহাৰ বিতৰণ কৰাৰ লগতে যথেষ্ট আনন্দ কৰিলে তেওঁলোকৰে সৈতে ৷

মুম্বাই,26 ডিচেম্বৰঃ বলীউড অভিনেত্ৰী কৃতি সেনন আৰু নূপূৰ সেননে একাংশ শিশুৰ সৈতে উদযাপন কৰিলে এইবৰ্ষৰ খ্ৰীষ্টমাচ ৷ দুয়োগৰাকী ভগ্নীয়ে মুম্বাইস্থিত এটা স্বেচ্ছাসেৱী অনুষ্ঠানত গৈ দিব্যাংগ শিশুৰ সৈতে খ্ৰীষ্টমাচ উদযাপন কৰে ৷ চেলিব্ৰেটী চিষ্টাৰ কৃতি আৰু নূপূৰে স্বেচ্ছাসেৱী অনুষ্ঠানটোৰ ল'ৰা-ছোৱালীবিলাকক তেওঁলোকৰ পিতৃ-মাতৃ সহিতে বহু ষ্টেচনাৰী সামগ্ৰীৰ লগতে উপহাৰ প্ৰদান কৰে ৷

কৃতিয়ে শিশুসকলৰ সৈতে বহু সময় পাৰ কৰাৰ পিছত নিজৰ অনুভৱ ব্যক্ত কৰে এইদৰে, "তেওঁলোকৰ সৈতে সময় পাৰ কৰি, তেওঁলোকৰ মাজত আনন্দ বিলোৱা কাৰ্যই নিজৰ দিনটো বিশেষ কৰি তোলে ৷ মই এই খ্ৰীষ্টমাচ সদায় মনত ৰাখিম,এই সকল ল'ৰা যথেষ্ট প্ৰতিভাশালী আৰু যথেষ্ট মৰমলগা ৷ " ইফালে নিজৰ মিউজিক ভিডিঅ'ৰ কাৰণে মানুহৰ মাজত যথেষ্ট জনপ্ৰিয় নূপূৰ সেননে নিজৰ মিঠা কন্ঠৰে শিশুসকলক যথেষ্ট মনোৰঞ্জন প্ৰদান কৰে ৷

অন্য এক খবৰৰ বাবেঃ2019 বৰ্ষৰ মিচ ইণ্ডিয়া সুমন ৰাওৰ সৈতে ই টি ভি ভাৰতৰ বিশেষ সাক্ষাৎকাৰ