চিটাৰা ডেস্ক, ১৭ এপ্ৰিল: ছবি নিৰ্মাতা কৰণ জোহৰৰ ধৰ্মা প্ৰডাকচনে শুকুৰবাৰে আহিবলগীয়া ছবি দোস্তানা-২ ৰ পুনৰ নিৰ্মাণ সন্দৰ্ভত এক আনুষ্ঠানিক বিবৃতি প্ৰকাশ কৰিছে । লক্ষ্যণীয়ভাৱে ছবিখনত কাৰ্তিক আৰিয়ানক অভিনয়ৰ পৰা বিৰত ৰখা হয় । অৱশ্যে, প্ৰযোজনা গৃহই ছবিখন কিহৰ বাবে পুনৰ নিৰ্মাণ কৰাৰ সিদ্ধান্ত লৈছে সেই বিষয়ে কোনো বিৱৰণ প্ৰকাশ কৰা নাই ।
ছবিখনত কাৰ্তিক আৰিয়ানক অভিনয়ৰ পৰা বিৰত ৰখাৰ বাবে একাংশই সুশান্ত সিং ৰাজপুতৰ লগত হোৱা নেপটিজিমৰে তুলনা কৰে । ইতিমধ্যে অনুৰাগীসকলে ছবিখন বৰ্জনৰো হুংকাৰ প্ৰদান কৰে । ইফালে, কাৰ্তিকক কংগনা ৰানাৱটেও সমৰ্থন জনাইছে । লগতে সুশান্ত সিং ৰাজপুতৰ দৰে কাৰ্তিকেও যাতে আত্মহত্যাৰ দৰে চৰম পথ বাছি নলয় তাৰ বাবে অভিনেত্ৰী কংগনাই টুইটাৰযোগে অনুৰোধ জনায় ।