চিটাৰা ডেস্ক, 2 ডিচেম্বৰ : ৰাজস্থানৰ চৱাই মাধোপুৰত অৱস্থিত কৃপাময় আৰু ৰাজকীয় পৰিৱেশৰ বাবে জনাজাত ছয় ইন্দ্ৰিয় দুৰ্গ বৰৱাৰা(Six Senses Fort Barwara) টো বুক কৰা হৈছে অভিনেত্ৰী কেটৰিণা কাঈফ আৰু বিকী কৌশলৰ চৰ্চিত বিবাহ পৰ্ব(Katrina Kaif and Vicky Kaushal's rumoured wedding)ৰ বাবে ৷
বহুকেইটা প্ৰতিবেদন অনুসৰি, কেটৰিণা আৰু বিকীয়ে ৰাজকীয় বিবাহস্থলীত যুগ্ম জীৱনৰ পাতনি মেলিব ৷ 7-9 ডিচেম্বৰৰ ভিতৰত বিবাহৰ আড়ম্বৰপূৰ্ণ পৰ্ব অনুষ্ঠিত হ’ব বুলি অনুমান কৰা হৈছে ৷ নিৰ্দিষ্ট সময়চোৱাত হোটেলখনৰ কোঠাৰ উপলব্ধতাৰ সন্দৰ্ভত সোধা প্ৰশ্নত হোটেলখনৰ বিষয়ববীয়াই জনায় যে, হোটেলৰ কোঠা সম্পূৰ্ণৰূপে বুক হৈ আছে । 5 ডিচেম্বৰৰ পৰা 11 ডিচেম্বৰলৈ কোঠা খালী নহয় ৷ 12 ডিচেম্বৰৰ পাচতহে কোঠা পুনৰ বুক কৰিব পাৰিব ৷
বিলাসী হোটেলখন 7 ডিচেম্বৰৰ পৰা 10 ডিচেম্বৰৰ ভিতৰত Make My Trip আৰু Go Ibibo ৰ দৰে জনপ্ৰিয় ৱেবছাইটত বিক্ৰী কৰা হৈছে ৷ এই বিষয়টো এইবাবেই মন কৰিবলগীয়া, কিয়নো সেই তাৰিখ কেইটাৰ ভিতৰতে কেটৰিণা আৰু বিকীৰ বিবাহ সম্পন্ন হ’ব বুলি চৰ্চিত হৈ আছে ৷ শেহতীয়াকৈ কেটৰিণা আৰু বিকীৰ চৰ্চিত বিবাহে বাতৰিৰ শিৰোনাম দখল কৰি আছে ৷ বৰ্তমানেও দুয়োগৰাকী তাৰকাই তেওঁলোকৰ মাজৰ সম্পৰ্ক ৰাজহুৱা কৰা নাই ৷
কেটৰিণাই Koffee with Karan ৰ এটা খণ্ডত কৈছিল যে, তেওঁ বিকিৰ সৈতে কাম কৰিব বিচাৰে আৰু দুয়োকে একেলগে দেখাত ভাল লগিব । এই কথা শুনি বিকী সম্পূৰ্ণৰূপে আচৰিত হৈছিল আৰু আনন্দিত হৈছিল ৷ ইয়াৰ পাচৰ পৰাই দুয়োৰে মাজত থকা ৰোমাঞ্চ চৰ্চিত হৈ পৰে ৷ দুয়োকে কেইবাটাও অনুষ্ঠানত একেলগে দেখিবলৈ পোৱা গৈছে । শেহতীয়াকৈ বিকীৰ ছবি ‘Sardar Udham’ ৰ এক বিশেষ স্ক্ৰীণিঙত উপস্থিত আছিল কেটৰিণা ।
লগতে পঢ়ক :ডিচেম্বৰত বিবাহপাশত আৱদ্ধ হ’ব বিকী-কেটৰিণা !
