চিটাৰা ডেস্ক, 4 ডিচেম্বৰ : বিগত কিছু দিনৰ পৰা চৌদিশে চৰ্চাত আছে বলীউড অভিনেতা বিকী কৌশল আৰু অভিনেত্ৰী কেটৰিনা কাইফৰ নাম ৷ নিজৰ বিবাহখনক লৈ চৰ্চিত হৈ আছে দুয়োগৰাকী অভিনেতা (Vicky-Katrina marriage) ৷ ইয়াৰ মাজতে শুকুৰবাৰে নিশা কেটৰিনাৰ ঘৰৰ পৰা ওলোৱা সময়তেই দেখা যায় অভিনেতা বিকী কৌশলক ৷
বিকী কৌশলে কেটৰিনাৰ ঘৰৰ পৰা ওলোৱা এটি ভিডিঅ’ সামাজিক মাধ্যমত ব্যাপকভাৱে প্ৰচাৰ হৈছে ৷ এই সময়তেই Paparazzi ক অভিবাদনো কৰিছে অভিনেতা গৰাকীয়ে ৷ ধাৰণা কৰা হৈছে শুকুৰবাৰে বিকী আৰু কেটৰিণাই কোৰ্টত নিজৰ বিবাহ ৰেজিষ্টাৰ কৰিছে ৷
আনহাতে, বিয়াৰ সময়ত অতিথিসকলৰ বাবে কিছু বিশেষ নিয়ম বান্ধি দিছে বিকী-কেটে ৷ বিয়াত মুঠ 120 গৰাকী অতিথিহে উপস্থিত থাকিব পাৰিব ৷ অতিথিসকলে ক’ভিড 19ৰ দুয়োপালি ভেকচিন লোৱাটো বাধ্যতামূলক ৷