কৰ'ণা যোদ্ধা সকলক লৈ কাৰ্তিক আৰিয়ানৰ নতুন চিৰিজ

মুকলি হ'ল কাৰ্তিক আৰিয়ানৰ নতুন চিৰিজ 'কৌকী পুছেগা '৷ এই চিৰিজত থাকিব কৰ'ণা যোদ্ধাসকলৰ সাক্ষাৎকাৰ ৷

চিটাৰা ডেস্ক,11 এপ্ৰিলঃ কাৰ্তিক আৰিয়ানে কৰ'ণা ভাইৰাছৰ সজাগতাৰ বাবে লৈছে এক বিশেষ পদক্ষেপ ৷ তেওঁ নিজৰ অফিচিয়েল ইউটিউব চেনেল যোগে কৰ'ণা ভাইৰাছৰ সৈতে যুদ্ধত জয়ী হোৱা ব্যক্তিক লৈ আৰম্ভ কৰিছে এক নতুন সাক্ষাৎকাৰ চিৰিজ ৷

শনিবাৰে এই কথা ইনষ্টাগ্ৰাম একাউন্ট যোগে প্ৰকাশ কৰে যুৱ অভিনেতাগৰাকীয়ে ৷ অভিনেতাগৰাকীয়ে এই বিশেষ চিৰিজটো কৌকী পুছেগা নামেৰে নামাকৰণ কৰিছে ৷ জানিব পৰা মতে কাৰ্তিকে নিজৰ ছদ্ম নামেৰে এই চিৰিজৰ নামটো অভিহিত কৰিছে ৷উল্লেখ্য যে, অভিনেতাগৰাকীয়ে কৰ'ণা ভাইৰাছৰ সৈতে যুঁজিবৰ বাবে প্ৰধানমন্ত্ৰীৰ সাহাৰ্য পুঁজিত এক কোটি টকাৰ অনুদান দিছে ৷

লগতে পঢ়কঃনিজৰ ঘোঁৰাটোৰ সৈতে একেলগে ঘাঁহ খালে চলমান খানে