চিটাৰা ডেস্ক,4 নৱেম্বৰ : সম্প্ৰতি চৰ্চাত আছে অভিনেত্ৰী দীপিকা পাডুকনৰ প্ৰাক্তন প্ৰৱন্ধক কৰিশ্মা প্ৰকাশ ৷ প্ৰচাৰক কৰিশ্মা প্ৰকাশে ইতিমধ্যে তেওঁৰ কামৰ পৰা অব্যাহতি লৈছে আৰু আগলৈ অভিনেত্ৰী দীপিকা পাডুকনক উপস্থাপন নকৰে কৰিশ্মা প্ৰকাশে ৷
উল্লেখ্য যে,কৰিশ্মা প্ৰকাশে KWAN Talent Management কোম্পানীৰ পৰা স্বেচ্ছাই অব্যাহতি লোৱাৰ খবৰ যোৱাকালিৰ পৰা প্ৰচাৰ হৈ আছে ৷ বুধবাৰে কোম্পানীটোৱে তেওঁৰ অব্যাহতি সন্দৰ্ভত মন্তব্য দিয়ে ৷
কৰিশ্মা প্ৰকাশে তাৎক্ষণিকভাৱে 21 অক্টোবৰত কোম্পানীৰ পৰা স্বেচ্ছাই অব্যাহতি লয় ৷ বৰ্তমান কোম্পানী অথবা দীপিকা পাডুকন আৰু এজেন্সিৰ কোনো কলা-কুশলীৰ সৈতে কৰিশ্মাৰ লেন-দেন নাই ৷ KWANৰ চিইঅ’ বিজয় সুব্ৰমণিয়ামে সংবাদ মাধ্যমযোগে এই কথা উল্লেখ কৰে ৷
কিছুদিন পূৰ্বে নাৰ্কোটিকছ কণ্ট্ৰোল ব্যুৰ’ৱে পুনৰবাৰ দীপিকা আৰু তেওঁৰ প্ৰাক্তন মেনেজাৰ কৰিশ্মাক ড্ৰাগছ ব্যৱহাৰ সন্দৰ্ভত সোধ-পোচৰ বাবে জেৰা কৰিছিল ৷
লগতে পঢ়ক :শীঘ্ৰে বচ্চন পাণ্ডেৰ ছেটত ভূমুকি মাৰিব অক্ষয় কুমাৰ আৰু কৃতি সেননে
