‘পাংগা’ৰ কঠোৰ অনুশীলনত ব্যস্ত কংগনা

ছবিখনত এগৰাকী কাবাডী খেলুৱৈৰ ৰূপত দেখা যাব অভিনেত্ৰী গৰাকীক ৷

নতুন দিল্লী, 29 মে’: নতুনকৈ নিৰ্মাণ হ’বলগীয়া বলিউডৰ ছবি ‘পাংগা’ৰ অনুশীলনত ব্যস্ত বলিউডৰ অভিনেত্ৰী কংগনা ৰানাৱত ৷ অশ্বিনী আয়াৰ তিৱাৰীৰ পৰিচালনাত নিৰ্মিত ছবিখন কাবাডী খেলুৱৈৰ ৰূপত দেখা যাব অভিনেত্ৰীগৰাকীক ৷

মঙলবাৰে ছবিখনৰ পৰিচালক অশ্বিনী আয়াৰ তিৱাৰীয়ে টুইটাৰযোগে শ্বেয়াৰ কৰে অভিনেত্ৰীগৰাকীৰ অনুশীলনৰ ফটো ৷ খেলৰ প্ৰেক্ষাপটত নিৰ্মাণ হ’বলগীয়া ছবিখনত মূল চৰিত্ৰত অভিনয় কৰিব কংগনাই ৷ কংগনাৰ লগতে ছবিখনত দেখা পোৱা যাব পাঞ্জাৱী গায়ক জচ্চী গিল, নেহা গুপ্তা আৰু ৰিচা চদ্ধাক ৷ অহা বৰ্ষৰ 24 জানুৱাৰীত মুক্তি লাভ কৰিব ছবিখনে ৷