চিটাৰা ডেস্ক,18 জানুৱাৰীঃ এইবৰ্ষৰ গ্ৰেমী বঁটা প্ৰদান অনুষ্ঠানত সংগীত পৰিৱেশন কৰিব জ'নাছ ব্ৰাডাৰ্ছে ৷ চ'ছিয়েল মিডিয়াযোগে এই কথা ঘোষণা কৰে নিক জ'নাছে ৷ এই ঘোষণাৰ পাছতে উৎসাহিত হৈ পৰে জ'নাছৰ অনুৰাগীসকল ৷
'গ্ৰেমী 2020'ৰ বিশেষ আকৰ্ষণ জ'নাছ ব্ৰাডাৰ্ছ নিক জ'নাছে ইনষ্টাগ্ৰামযোগে এই ঘোষণা কৰাৰ সমান্তৰালভাৱে গ্ৰেমী বঁটা অনুষ্ঠানৰ কাৰ্যকতাসকলেও নিজৰ ৱেৱচাইট যোগে ঘোষণা কৰে এই কথা ৷ নিক জ'নাছে শেহতীয়াকৈ কেবিন আৰু জ'ৰ সৈতে উঠা এখন বিশেষ ফটোও শ্বেয়াৰ কৰে ইনষ্টাগ্ৰামযোগে ৷
এই বিশেষ ঘোষণাটোৰ পিছতে জ'নাছ ব্ৰাডাৰ্ছৰ অনুৰাগীসকলে প্ৰশংসা আৰু শুভেচ্ছাসূচক কমেন্টেৰে নিজৰ উৎসাহ প্ৰকাশ কৰে ৷ ইয়াৰ মাজতে,শুকুৰবাৰে মুক্তি পোৱা "what a man gotta do" মিউজিক ভিডিঅ'টোৱে ইন্টাৰনেটত খলকনি তুলিবলৈ সক্ষম হৈছে ৷ এই মিউজিক ভিডিঅ'টোত অভিনয় কৰিছে নিক জ'নাছ,প্ৰিয়ংকা চোপ্ৰা,দুই ভাতৃ কেবিন,জ' আৰু তেওঁলোকৰ পাৰ্টনাৰ ডেনিয়েল আৰু চৌফিয়ে ৷
লগতে পঢ়কঃৰণবীৰ কাপুৰৰ সৈতে একেলগে কাম কৰিবলৈ উৎসাহিত শ্ৰদ্ধা কাপুৰ
