চিটাৰা ডেস্ক,9 জুনঃ মুক্তিৰ পথত বলীউড অভিনেত্ৰী জাহ্নৱী কাপুৰৰ ছবি গুঞ্জন চাক্সেনা ৷ ছবি নিৰ্মাতা কৰণ জোহৰে শেহতীয়াকৈ প্ৰকাশ কৰে যে, শীঘ্ৰেই নেট ফ্লিক্সত মুক্তি পাব জাহ্নৱী কাপুৰ অভিনীত এই ছবিখন ৷
কৰণ জোহৰে টুইটাৰ যোগে এটা ভিডিঅ' শ্বেয়াৰ কৰি লিখে,"যাৰ প্ৰেৰণাদায়ক যাত্ৰাই ইতিহাস ৰচিছে -এইটো তেওঁৰ কাহিনী ৷ গুঞ্জন চাক্সেনা দ্য কাৰ্গিল গাৰ্ল, শীঘ্ৰেই আহি আছে নেট ফ্লিক্সত ৷ " প'ষ্টটোৰ লগতে কৰণ জোহৰে ছবিখনৰ এখন প'ষ্টাৰো প্ৰকাশ কৰে ৷ য'ত ছবিখনত গুঞ্জন চাক্সেনাৰ চৰিত্ৰ ৰূপায়ণ কৰা জাহ্নৱী কাপুৰে হেলিকপ্টাৰ উৰুৱাই থকা পৰিলক্ষিত হৈছে ৷