‘আৰ্মী অৱ ডেড’ত অভিনয় কৰিব বলিউড অভিনেত্ৰী হোমা কুৰেচিয়ে

বুধবাৰে টুইটাৰযোগে ছবি সমালোচক তৰণ আদৰ্শে প্ৰকাশ কৰে এইকথা ৷

নতুন দিল্লী, 30 মে’: এচিয়ান জম্মি ড্ৰামা চিৰিজ ‘আৰ্মী অৱ ডেড’ত চৰিত্ৰ ৰূপায়ণ কৰিব জনপ্ৰিয় বলিউড অভিনেত্ৰী হোমা কুৰেচিয়ে ৷ বুধবাৰে এইকথা নিশ্চিত কৰিলে বলিউড ছবি সমালোচক তৰণ আদৰ্শে ৷ জেক চেনডাৰৰ পৰিচালনাত নিৰ্মিত ‘আৰ্মী অৱ ডেড’ চিৰিজটো নেটফ্লিক্সত সম্প্ৰচাৰ কৰা হ’ব ৷ উল্লেখ্য যে, উক্ত চিৰিজটোত অভিনয় কৰিব জনপ্ৰিয় হলিউডৰ অভিনেতা দেৱ বাতিস্তায়ো ৷ পৰিচালক গৰাকীয়ে ইয়াৰ আগতেও, 300, জাষ্টিচ লিগ আদিৰ দৰে কেইবাখনো জনপ্ৰিয় হলিউড ছবি নিৰ্মাণ কৰি উলিয়াইছে ৷

শেহতীয়াকৈ, তৰণ আদৰ্শে টুইটাৰযোগে এই কথা প্ৰকাশ কৰাৰ পাচৰে পৰা অতি উৎফুল্লিত হৈ পৰিছে হোমা কুৰেচিৰ অনুৰাগীসকল ৷ ইয়াৰোপৰিও অতি সোনকালে নেটফ্লিক্সত সম্প্ৰচাৰ হ’ব কুৰেচিৰ অভিনীত চুটি-চিৰিজ ‘লেইলা’ ৷