এছিয়াৰ আবেদনময় পুৰুষৰ তালিকাৰ শীৰ্ষত জনপ্ৰিয় অভিনেতা ঋত্বিক ৰোশন !

ঋত্বিক ৰোশনলৈ এছিয়াৰ ভিতৰত এই দশকৰ আটাইতকৈ আবেদনময় পুৰুষৰ খিতাপ !ইউ.কে প'ল অনুযায়ী এছিয়াৰ ভিতৰত দশকটোৰ আটাইতকৈ আবেদনময় পুৰুষৰ খিতাপ অৰ্জন কৰিছে বলীউডৰ জনপ্ৰিয় অভিনেতা ঋত্বিক ৰোশনে ৷

চিটাৰা ডেস্ক,5 নৱেম্বৰঃ বুধবাৰে লণ্ডনত বলীউড তাৰকা ঋত্বিক ৰোশনক প্ৰদান কৰা হয় এক আকৰ্ষণীয় খিতাপ ৷ দশকটোৰ আটাইতকৈ আবেদনময় পুৰুষ হিচাপে নিৰ্বাচন কৰিছে ঋত্বিক ৰোশনক ৷ 45বছৰীয়া অভিনেতাগৰাকীক ব্ৰিটিশ নিউজ ৱিকলি ইষ্টাৰ্ণ আইৰ দ্বাৰা এছিয়াৰ সৰ্বশ্ৰেষ্ঠ আবেদনময় পুৰুষৰ খিতাপ প্ৰদান কৰা হয় ৷ পৃথিৱীৰ বিভিন্ন স্থানৰ পৰা অনুৰাগীয়ে প্ৰদান কৰা ভোট অনুসৰি প্ৰস্তুত কৰা হৈছে এই বিশেষ তালিকা ৷ উল্লেখনীয়ভাৱে যোৱা দহটা বছৰৰ পৰা সমগ্ৰ ৰেংকিঙত শীৰ্ষস্থান দখল কৰি আহিছে অভিনেতাগৰাকীয়ে ৷

জনপ্ৰিয় অভিনেতা ঋত্বিক ৰোশন

কিন্তু এই সন্দৰ্ভত অভিনেতাগৰাকীয়ে উল্লেখ কৰে যে, তেওঁ কেতিয়াও লুক চাই মানুহ বিবেচনা নকৰে , লগতে তেওঁ নিজকো এনে বিষয়ক লৈ বিবেচনা নকৰে ৷ তেওঁৰ মতে "সৌন্দৰ্য মানে , কোনো ব্যক্তিৰ আকৰ্ষণীয় কথাটো হ'ল তেওঁৰ কাহিনী ,জীৱন যাত্ৰা, পৰিস্থিতিৰ লগত মোকাবিলা কৰাৰ ক্ষমতা ৷ হয়টো মোৰ চৰিত্ৰবোৰৰ বাবে মানুহে মোক এনেদৰে চাই বা অনুভৱ কৰে ৷ কিন্তু এই সকলোবোৰ মোৰ কামৰ এটি অংশ ৷ যাৰ বাবে মই যথেষ্ট কষ্ট আৰু প্ৰয়াস কৰোঁ ৷"

লগতে পঢ়কঃজে.জয়াললিতাঃ সৰল জয়াৰ পৰা 'দ্য আইৰণ লেডী' হোৱাৰ যাত্ৰা