চিটাৰা ডেস্ক, 18 মাৰ্চ :দেশজুৰি উদযাপন কৰা হৈছে ৰঙৰ উৎসৱ হোলী (Holi celebration across the Nation) ৷ বিগত দুটা বৰ্ষত ক’ৰণা মহামাৰীৰ কাৰণে জনসাধাৰণে মন খুলি উদযাপন কৰিব পৰা নাছিল হোলী ৷ বলীউড জগতৰ তাৰকাসকলৰ হোলী উদযাপন সৰ্বত্ৰে চৰ্চিত (Holi celebration in bollywood) ৷ তেওঁলোকৰ হোলী উদযাপনে সদায়ে আকৰ্ষণ কৰে সাধাৰণ জনতাক ৷
যিকোনো বিশেষ উৎসৱ-পাৰ্ৱণত সদায়ে বলীউডৰ অভিনেতা-অভিনেত্ৰী সকলে অনুৰাগীসকলক যাঁচে শুভেচ্ছা ৷ তাতেই ৰঙৰ উৎসৱ হোলী সকলোৰে বাবে সদায়ে বিশেষ ৷ আবিৰৰ ৰঙৰ দৰেই জীৱনটো ৰঙীণ কৰাৰ হাবিয়াস কৰে সকলোৱে ৷ বিশেষ দিনটোত নিজৰ প্ৰিয় তাৰকাগৰাকীৰ পৰা পোৱা এটা মাত্ৰ শুভেচ্ছায়ে ৰঙীণ কৰি তুলিব পাৰে অনুৰাগীৰ জীৱন ৷
মেগাষ্টাৰ অমিতাভ বচ্চনৰ পৰা আৰম্ভ কৰি কৌতুক অভিনেতা কপিল শৰ্মালৈকে সকলোৱে হোলীৰ শুভকামনা দিলে অনুৰাগীক (Bollywood celebs wishing holi to their fans) ৷ বলীউড মেগাষ্টাৰ অমিতাভ বচ্চনে প্ৰতিটো বিশেষ দিনতে অনুৰাগীক মনত পেলাই শুভেচ্ছা যাঁচে অনুৰাগীক ৷ এইটো বৰ্ষত হোলীৰ শুভেচ্ছাত বিগ বি য়ে অনুৰাগীৰ জীৱনত সুখ-সমৃদ্ধি কামনা কৰিছে ৷