Vikram Vedha Vikram First look: হৃত্বিক ৰোছনে পোষ্ট কৰিলে ‘বিক্ৰম বেধা’ৰ বিক্ৰমৰ ফাৰ্ষ্ট লুক

নৱতম ছবি 'বিক্ৰম বেধা'ত যুঁটি বান্ধিছে চৈফ আৰু হৃত্বিকে (Saif Hrithik in Vikram Vedha) ৷ ইতিমধ্যেই ছবিখনকলৈ আৰম্ভ হৈছে জল্পনা-কল্পনা ৷ এনে সময়তে চৈফ আলীখানে ৰূপায়ন কৰিব লগীয়া বিক্ৰমৰ চৰিত্ৰটোৰ ফাৰ্ষ্ট লুক মুকলি কৰিলে অভিনেতা হৃত্বিক ৰোছনে ৷

চিটাৰা ডেস্ক, 24 ফ্ৰেব্ৰুৱাৰী: 2017 চনৰ তামিল ছবি বিক্ৰম বেধাৰ ৰিমেক একে নামৰ হিন্দী ছবিখনে মুক্তি পাব চলিত বৰ্ষৰ 30 ছেপ্তেম্বৰত ৷ ছবিখনৰ নিৰ্দেশকদ্বয়ে 2018 চনতে ঘোষণা কৰিছিল বিক্ৰম বেধাৰ ৰিমেক নিৰ্মাণৰ কথা ৷ তামিলৰ পৰা হিন্দীত ভাষাত ৰিমেক কৰা ছবিখনত অভিনয় কৰিছে বলীউডৰ ষ্টাইলিছ অভিনেতাদ্বয় চৈফ আলি খান আৰু হৃত্বিক ৰোছনে (Saif Hrithik in Vikram Vedha) ৷ ইয়াৰ লগতে, আন দুটা গুৰুত্বপূৰ্ণ ভূমিকাত অভিনয় কৰিছে ৰাধিকা আপ্তে আৰু ৰোহিত শ্বৰফে ৷

বৃহস্পতিবাৰে হৃত্বিকে নিজৰ ইন্ষ্টগ্ৰামযোগে পোষ্ট কৰিলে ছবিখনৰ বিক্ৰমৰ ফাৰ্ষ্ট লুক (First look of Saif Ali Khan from upcoming Vikram Vedha out) ৷ ছবিখনত হৃত্বিকে ৰূপায়ন কৰিছে বেধাৰ চৰিত্ৰ ৷ হৃত্বিকে পোষ্ট কৰা ফটোখনত চৈফক বিক্ৰমৰ চৰিত্ৰত যথেষ্ট আকৰ্ষণীয় লাগিছে ৷

ইয়াৰ পূৰ্বে ছবিখনৰ নিৰ্মাতা সকলে হৃত্বিকৰ জন্মদিনত তেওঁৰ ফাৰ্ষ্ট লুকটো দৰ্শকলৈ এৰি দিছিল ৷ এজন গেংষ্টাৰৰ ভূমিকাত দেখা পোৱা যাব হৃত্বিকক ৷

ভাৰতীয় লোককথা বিক্ৰম বেতালৰ ওপৰত আধাৰিত ছবিখনত পুলিচ বিষয়া (Vikram look) বিক্ৰমে কিদৰে গেংষ্টাৰ বেধাক আটক কৰে সেইয়া চাবলগীয়া হ’ব ৷ ছবিখনত ৰাধিকা আপ্তেক এক গুৰুত্বপূৰ্ণ ভূমিকাত দেখা পোৱা যাব ৷ 2017 চনৰ তামিল ভাষাত মুক্তি পোৱা বিক্ৰম বেধাত আৰ মাধৱন আৰু বিজয় সেতুপতিয়ে অভিনয় কৰিছিল ৷

লগতে পঢ়ক:প্ৰভাসৰ ৰাধে শ্যামত সূত্ৰধাৰৰ ভূমিকাত বিগ বি