টিক টক নিষিদ্ধ হোৱাৰ বাবে সুখী বহুকেইজন তাৰকা

চৰকাৰে 59 টা চীনা এপ নিষিদ্ধ কৰাৰ বাবে সুখী বহুকেইজন তাৰকা ৷ বিশেষকৈ টিক টক নিষিদ্ধ হোৱাৰ বাবে সুখ প্ৰকাশ কৰিছে তাৰকাকেইগৰাকীয়ে ৷ কোন এইসকল তাৰকা ৷ জানিবলৈ পঢ়ক.....

চিটাৰা ডেস্ক,1 জুলাইঃ ভাৰত চৰকাৰৰ দ্বাৰা নিষিদ্ধ কৰা হৈছে মুঠ 59 টা চীনা এপ ৷ তাৰ মাজত ভাৰতৰ যথেষ্ট জনপ্ৰিয় চীনা এপ টিক টকো অন্তৰ্ভুক্ত ৷ এই এপ ভাৰতত নিষিদ্ধ হোৱাৰ বাবে যথেষ্ট সুখী হৈ পৰিছে একাংশ তাৰকা ৷ ছবি আৰু টেলিভিছন দুয়োখন জগতৰে বহু তাৰকা সুখী এই সিদ্ধান্তক লৈ ৷

জনপ্ৰিয় অভিনেত্ৰী মলাইকা অৰোৰাৰ প'ষ্ট

জনপ্ৰিয় অভিনেত্ৰী মলাইকা অৰোৰাৰ মতে, "লক ডাউনৰ মাজত বৰ্তমানলৈকে এইটো এটা আটাইতকৈ ভাল খবৰ ৷"

অভিনেত্ৰীগৰাকীয়ে ইনষ্টাগ্ৰাম যোগে লিখে," অৱশেষত এতিয়া আমি মানুহৰ হাস্যকৰ ভিডিঅ' চাবলৈ নাপাম ৷"

অভিনেতা কৰণবীৰ বহৰাৰ মতে, " চৰকাৰে গ্ৰহণ কৰা এই সিদ্ধান্তক লৈ সুখী ৷ মানুহে ভাৱি থাকে যে নিজৰ দেশৰ বাবে কি কৰিব পাৰে ? মই কওঁ প্ৰত্যেকটো খোজেই গুৰুত্বপূৰ্ণ ৷ এয়া এক শুভাৰম্ভণী ৷"

অভিনেতা কুশল টণ্ডনো যথেষ্ট সুখী চৰকাৰৰ সিদ্ধান্তক লৈ ৷ কুশলে ইয়াৰ পূৰ্বতেও টিকটকক লৈ নিজৰ আপত্তি দৰ্শাইছিল ৷ তেওঁ ছ'চিয়েল মিডিয়া একাউন্টত লিখিছে," অৱশেষত কিবা ভাল খবৰ পালো ৷"

অভিনেতা অচমিত পেটেলেও এই কথাটো যথেষ্ট ভাল পাইছে বুলি উল্লেখ কৰিছে ৷

অভিনেত্ৰী নিয়া শৰ্মাইও এই সিদ্ধান্তক সহযোগিতা কৰা পৰিলক্ষিত হৈছে ৷

এওঁলোকৰ উপৰিও অভিনেতা নিকিতিন ধীৰ, সংগীতকাৰ বিশাল ডাডলানীৰ দৰে বহু জনপ্ৰিয় তাৰকাই চৰকাৰৰ এই পদক্ষেপৰ যথেষ্ট শলাগ লৈছে ৷

লগতে পঢ়কঃগুৱাহাটীৰ ৰাজপথত ভগৱানৰ বিলৈ