চিটাৰা ডেস্ক, 7 মাৰ্চ:টেলিভিছনৰ ৰিয়েলিটী শ্ব’ ৰ তাৰকা দিব্যা আগৰৱাল আৰু বৰুণ সুদৰ চাৰিবছৰীয়া প্ৰেমৰ অন্ত পৰিল (Divya Varun breakup) ৷ এটা ৰিয়েলিটী শ্ব’ট প্ৰথমবাৰৰ বাবে লগ পাইছিল দুয়ো দুয়োকে ৷ তেতিয়াৰ পৰাই অন্তৰংগতা বাঢ়িছিল দিব্যা বৰুণৰ মাজত ৷
দেওবাৰে নিজৰ ইন্ষ্টাগ্ৰামত এটা দীঘল পোষ্টেৰে নিজৰ মনৰ কথা মুকলিকৈ প্ৰকাশ কৰি দিব্যাই ক’লে যে সিদ্ধান্ত এটা লোৱাৰ বাবে সদায় এটা ডাঙৰ ষ্টেটমেন্ট বা কোনো ডাঙৰ কাৰণৰ প্ৰয়োজন নাথাকে ৷ তেওঁ আৰু বৰুণ সদায় ভাল বন্ধু হৈ থাকিব ৷
বৰুণ সুদক এজন ভাল মানুহ হিচাপে গণ্য কৰি দিব্যাই কয় যে তেওঁৰ সৈতে কটোৱা প্ৰতিটো সুখৰ মূহুৰ্ত সদায় দিব্যাৰ মনত জীপাল হৈ ৰ’ব ৷ অনুৰাগীক তেওঁৰ এই সিদ্ধান্তৰ প্ৰতি সন্মান জনাবলৈ অনুৰোধ কৰে তাৰকা গৰাকীয়ে (Divya Varun split) ৷