অভিনেতা দিলীপ কুমাৰৰ সুস্বাস্থ্য কামনা কৰিবলৈ পত্নীৰ আহ্বান

বলিউডৰ প্ৰখ্যাত অভিনেতা দিলীপ কুমাৰৰ স্বাস্থ্য়ৰ অৱনতি ঘটিছে ৷ এই কথা সদৰি কৰিছে তেওঁৰ পত্নী তথা অভিনেত্ৰী চাইৰা বানুৱে ৷ জ্যেষ্ঠ অভিনেতা গৰাকীৰ সুস্বাস্থ্য় কামনা কৰি ভগৱানৰ ওচৰত প্ৰাৰ্থনা জনাবলৈ অনুৰাগীসকলক আহ্বান জনাইছে চাইৰা বানুৱে ৷

চিটাৰা ডেস্ক,7 ডিচেম্বৰ : অসুস্থ হৈ পৰিছে বলিউডৰ প্ৰখ্য়াত অভিনেতা দিলীপ কুমাৰ ৷ এই কথা জানিবলৈ দিয়ে অভিনেতা গৰাকীৰ পত্নী তথা অভিনেত্ৰী চাইৰা বানুৱে ৷ ক’ভিডৰ সংক্ৰমণৰ পৰাই অভিনেতা দিলীপ কুমাৰে সম্পূৰ্ণৰূপে আইশ্ব’লেচনত থাকে ৷ কিয়নো তেওঁৰ এই বয়সত দেহত ভাইৰাছ সংক্ৰমণ হোৱাৰ অধিক সম্ভাৱনা থাকে ৷

এগৰাকী পত্নীৰ মান ৰাখি অভিনেতা গৰাকীক শুশ্ৰূষা কৰি থকা পত্নী চাইৰাই কয় যে, ‘‘এই ভালপোৱা কেৱল আনক দেখুৱাবলৈ নহয় ৷ মই তেওঁক ভালপাঁও আৰু তেওঁ মোৰ উশাহ’’ ৷

অভিনেতাগৰাকীৰ বৰ্তমানৰ স্বাস্থ্য সন্দৰ্ভত চাইৰাই প্ৰতিদিনে ভগৱানৰ ওচৰত কৃতজ্ঞতা স্বীকাৰ কৰাৰ কথা ব্যক্ত কৰে ৷ লগতে তেওঁ কয় যে, ‘‘তেওঁৰ স্বাস্থ্য় ভাল নহয় ৷ তেওঁ ঘৰৰ হলটোলৈ ওলাই আহি পুনৰ বিচনাত উঠে ৷ সকলোৱে তেওঁৰ সুস্বাস্থ্য কামনা কৰক’’ ৷

লগতে পঢ়ক :টেলিভিছন অভিনেত্ৰী দিব্যা ভাটনাগৰ আৰু নাই...