সুশান্তৰ অন্তিমখন ছবিৰ ট্ৰেইলাৰে ভাবুক​ কৰি তুলিলে অনুৰাগীক

সুশান্ত সিং ৰাজপুতৰ বহু প্ৰত্যাশিত তথা অন্তিম খন ছবিৰ ট্ৰেইলাৰ মুক্তি পালে সোমবাৰে ৷ ছবিখনৰ ট্ৰেইলাৰটো মুক্তি পোৱাৰ পিছতে ছ'চিয়েল মিডিয়াত যথেষ্ট চৰ্চিত হৈ পৰিছে ট্ৰেইলাৰটো লগতে সকলোৱে যথেষ্ট পচন্দ কৰিছে সুশান্তৰ অভিনয় ৷ অভিনেতাগৰাকীক লৈ ভাবুক​ হৈ পৰিছে তেওঁৰ সকলো অনুৰাগী ৷ কেৱল অনুৰাগীয়েই নহয় বলীউডৰ বহু তাৰকা তথা সহকৰ্মী যথেষ্ট ভাবুক​ হৈ পৰিছে ছবিখনৰ ট্ৰেইলাৰটো মুক্তিৰ পিছত ৷

চিটাৰা ডেস্ক,7জুলাইঃ মুক্তি পালে বলীউডৰ প্ৰসিদ্ধ অভিনেতা সুশান্ত সিং ৰাজপুতৰ অন্তিমখন ছবিৰ ট্ৰেইলাৰ ৷ সুশান্ত সিঙৰদিল বেচাৰা নামৰ অন্তিম ছবিখনত সুশান্তৰ সৈতে অভিনয় কৰিছে সঞ্জনা সাংঘী নামৰ নৱাগতা অভিনেত্ৰীগৰাকীয়ে ৷

অনুৰাগীসকলৰ বাবে ছবিখন যথেষ্ট বিশেষ কাৰণ এইখন সুশান্তৰ জীৱনৰ অন্তিমখন ছবি ৷ ছবিখনৰ ট্ৰেইলাৰটো মুক্তি পোৱাৰ পিছতে ছ'চিয়েল মিডিয়াত যথেষ্ট চৰ্চিত হৈ পৰিছে ট্ৰেইলাৰটো ৷ সকলোৱে যথেষ্ট পচন্দ কৰিছে সুশান্তৰ অভিনয় ৷ অভিনেতাগৰাকীক লৈ ভাবুক​ হৈ পৰিছে তেওঁৰ সকলো অনুৰাগী ৷

ট্ৰেইলাৰটোত সুশান্তই কোৱা এটা সংলাপে চুই গৈছে সকলোৰে হৃদয় ৷ সংলাপটো আছিল এনেধৰণৰঃ "জন্ম মৃত্যু কাৰো হাতত নাই কিন্তু যেতিয়ালৈকে জীৱনটো আছে, কেনেকৈ জীয়াই থাকিব লাগে, সেয়া সম্পূৰ্ণ আমাৰ হাতত আছে ৷"

বহুজনে সংলাপটো পচন্দ কৰাৰ লগতে প'ষ্ট কৰিছে নিজৰ নিজৰ ছ'চিয়েল মিডিয়া একাউন্টত ৷

ট্ৰেইলাৰটোত প্ৰয়াত অভিনেতাগৰাকীয়ে এগৰাকী হাঁহিমুখীয়া কলেজীয়া ছাত্ৰৰ চৰিত্ৰ ৰূপায়ন কৰিছে ৷ যি জীৱনটো জীয়াই থকাৰ ক্ষেত্ৰত ,উদযাপন কৰাৰ ক্ষেত্ৰত সম্পূৰ্ণ উৎসাহী ৷ ইফালে সুশান্তৰ বিপৰীত চৰিত্ৰত অভিনয় কৰা সঞ্জনা সাংঘী এগৰাকী লাজকুৰীয়া আৰু শান্ত ছোৱালী , যি কেঞ্চাৰৰ দৰে দুৰোৰোগ্য ৰোগৰ সৈতে যুঁজি আছে ৷

ট্ৰেইলাৰটোত হৃদয় চুই যোৱা দৃশ্য থকাৰ উপৰিও সুন্দৰ চাউণ্ড ট্ৰেকে মোহাচ্ছন্ন কৰিছে বহুজনক ৷

মুকেশ ছাৱৰাৰ দ্বাৰা নিৰ্দেশিত ছবিখন ফক্স ষ্টাৰ ষ্টু়ডিঅ'ৰ বেনাৰত নিৰ্মিত ৷ ছবিখনৰ সংগীত প্ৰযোজনা কৰিছে এ.আৰ.ৰহমানে ৷

অহা 24জুলাইত Disney+ Hotstarত মুক্তি পাব দিল বেচাৰা নামৰ দৰ্শকৰ বহু প্ৰত্যাশিত এই ছবিখন ৷

লগতে পঢ়কঃউৰ্বশী ৰৌতেলাই কি ক'লে তেওঁৰ বয়ফ্ৰেণ্ডৰ বিষয়ে .....