ছট্টিশগড় আৰু মধ্যপ্ৰদেশত কৰমুক্ত হ'ল বহুল চৰ্চিত ছবি চপ্পক

ছট্টিশগড় আৰু মধ্যপ্ৰদেশত কৰ মুক্ত ছবি হিচাপে ঘোষণা কৰা হয় দীপিকা পাডুকন অভিনীত চপ্পক ছবিখন ৷ মধ্যপ্ৰদেশৰ মুখ্যমন্ত্ৰী কমলনাথ আৰু ছট্টিশগড়ৰ মুখ্যমন্ত্ৰী ভূপেশ বাঘেলে নিজৰ টুইটাৰ একাউন্টযোগে ঘোষণা কৰে এই কথা ৷

নেশ্বনেল ডেস্ক, 9 জানুৱাৰীঃমধ্যপ্ৰদেশ আৰু ছট্টিশগড়ত কৰমুক্ত ছবি হিচাপে ঘোষণা কৰা হয় শুকুৰবাৰে মুক্তি পাবলগীয়া অভিনেত্ৰী দীপিকা পাডুকন অভিনীত বহুচৰ্চিত চপ্পক কথাছবিখন ৷ এচিড আক্ৰমণৰ বলি হোৱা মহিলা লক্ষ্মী আগৰৱালাৰ জীৱন কাহিনীৰ ওপৰত নিৰ্মাণ কৰা হৈছে কথাছবিখন ৷

টুইটাৰ যোগে এই কথা ঘোষণা কৰে মধ্যপ্ৰদেশ আৰু ছট্টিশগড়ৰ মুখ্যমন্ত্ৰী ক্ৰমে, কমলনাথ সিং আৰু ভূপেশ বাঘেলে ৷ দুয়োগৰাকী মুখ্যমন্ত্ৰীয়ে সামাজিক মানসিকতাৰ প্ৰতি লক্ষ্য ৰাখি ইয়াক কৰমুক্ত ঘোষণা কৰাৰ লগতে সপৰিয়ালে কথাছবিখন উপভোগ কৰিবলৈ আহ্বান জনাইছে ৷

মেঘনা গুলজাৰৰ দ্বাৰা পৰিচালিত বহুল চৰ্চিত ছবিখনে সকলো বাধা নেওচি ইতিমধ্যে সম্পূৰ্ণ ৰূপে সাজু হৈছে শুকুৰবাৰে ছবিগৃহত মুক্তিৰ বাবে ৷