এন্টাৰটেইনমেন্ট ডেস্ক, 17 জুন : বলীউদ অভিনেতা সুশান্ত সিং ৰাজপুতৰ আত্মহত্যাৰ পাচৰ পৰা তেওঁৰ কোটি কোটি গুণমুগ্ধ মৰ্মাহত হৈ পৰিছে৷ আনহাতে, এই ঘটনাৰ পাচতে প্ৰতিদিনে বিভিন্ন লোকে প্ৰতিক্ৰিয়া প্ৰকাশ কৰি আহিছে ৷ তেওঁৰ পৰিয়ালৰ লোক তথা ৰাজনৈতিক নেতাই চিবিআই পৰ্যায়ৰ তদন্ত দাবী কৰি আহিছিল ৷ আনহাতে, চ'ছিয়েল মিডিয়াৰ জৰিয়তে চিনেমা নিৰ্মাতা আৰু প্ৰযোজকসকলে সুশান্তক আত্মহত্যাৰ বাবে প্ৰৰোচিত কৰা বুলি অভিযোগ কৰি আহিছে ৷
মুজফ্ফৰপুৰ আদালতত ছলমান খান, কৰণ জোহৰৰ বিৰুদ্ধে গোচৰ ৰুজু
বুধবাৰে মুজফ্ফৰপুৰৰ আদালতত বলীউদৰ বহুকেইজন তাৰকাৰ বিৰুদ্ধে ৰুজু কৰা হৈছে এক গোচৰ ৷ যিসকল লোকৰ বিৰুদ্ধে অভিযোগ দাখিল কৰা হৈছে তেওঁলোক হৈছে কৰণ জোহৰ, আদিত্য চোপ্ৰা, ছলমান খান, সঞ্জয় লীলা ভাঞ্চালী, একতা কাপুৰসহ বহুকেইগৰাকী তাৰকা ৷ অধিবক্তা সুধীৰ কুমাৰে দাখিল কৰিছে এই গোচৰ ৷