#BoycottKareenaKhan: কৰীণাৰ বিপৰীতে কংগনাক ‘সীতা’ চৰিত্ৰ ৰূপায়ণৰ দাবী

টুইটাৰত চৰ্চিত বলীউডৰ মোহময়ী অভিনেত্ৰী কৰীণা কাপুৰ খান (Kareena Kapoor Khan)ৰ ৷ বলীউডৰ আহিবলগীয়া ছবি ‘SITA- The Incarnation’ত ‘সীতা’ চৰিত্ৰটোৰ বাবে কৰীণাক বাচনি কৰাৰ পাচতে netizen সকলে অসন্তুষ্টি প্ৰকাশ কৰিছে ৷ কৰীণাৰ বিপৰীতে কংগনা ৰাণাৱট (Kangana Ranaut)ক সীতাৰ চৰিত্ৰত চাবলৈ netizen সকল ৷

চিটাৰা ডেস্ক, 13 জুন : শেহতীয়াকৈ টুইটাৰত চৰ্চা লাভ কৰিছে বলীউডৰ মোহময়ী অভিনেত্ৰী কৰীণা কাপুৰ খান (Kareena Kapoor Khan)এ ৷ আগন্তুক পৌৰাণিক ছবি ‘SITA- The Incarnation’ত ‘সীতা’ চৰিত্ৰটোৰ বাবে কৰীণাই প্ৰস্তাৱ গ্ৰহণ কৰাৰ পাচতে netizen সকলে অসন্তুষ্টি প্ৰকাশ কৰা পৰিলক্ষিত হৈছে ৷

টুইটাৰযোগে অসন্তুষ্টি প্ৰকাশ কৰি তেওঁলোকে #BoycottKareenaKhan ট্ৰেণ্ডিঙত ৰখা পৰিলক্ষিত হৈছে ৷ এই চৰিত্ৰটোৰ বাবে কৰীণাই 12 কোটি টকাৰ দাবী কৰাৰ পাচতে সমালোচনাৰ পাত্ৰ হৈ পৰে অভিনেত্ৰীগৰাকী ৷ সমালোচকসকলে কৰীণাৰ বিপৰীতে কংগনা ৰাণাৱট (Kangana Ranaut)ক সীতাৰ চৰিত্ৰত চাব বিচাৰে বুলি দাবী উত্থাপন কৰে ৷

ইফালে কিছুসংখ্যকে কৰীণাক ‘শূৰ্পনখা’ চৰিত্ৰটো দিয়া উচিত বুলি মন্তব্য কৰে ৷ এই চলচ্চিত্ৰখনে সীতাৰ দৃষ্টিকোণৰ পৰা ৰামায়ণৰ কাহিনী উপস্থাপন কৰিব বুলিব জানিব পৰা গৈছে । সাধাৰণতে 6-8 কোটি টকা আদায় কৰা কৰীণাই ‘SITA- The Incarnation’ শীৰ্ষক ছবিখনৰ বাবে ইয়াৰ দুগুণ দাবী কৰিছে ।

অলৌকিক দেশাইৰ দ্বাৰা পৰিচালিত এই ছবিখনৰ কথা বাহুবলীৰ লেখক কে ভি বিজয়েন্দ্ৰ প্ৰসাদৰ ৷ আনহাতে ছবিখনত গীতিকাৰ আৰু সংলাপ লেখক হিচাপে কাম কৰিব মনোজ মুন্তাশ্বীৰে ৷

লগতে পঢ়ক :15জুনত মুক্তি পাব ‘হাছিনা দিলৰুৱা’ৰ প্ৰথমটো গীত