ষট পূজাৰ শুভেচ্ছা জ্ঞাপন বলিউড তাৰকাৰ

শুকুৰবাৰে অভিনেতা হৃত্বিক ৰোশন, অনুপম খেৰ আৰু পংকজ ত্ৰিপাঠীয়ে সকলোকে ষট পূজাৰ শুভেচ্ছা জনায় ৷

চিটাৰা ডেস্ক,21 নৱেম্বৰ : ষট পূজা উপলক্ষে শুকুৰবাৰে বলিউড অভিনেতা হৃত্বিক ৰোশন, অনুপম খেৰ আৰু পংকজ ত্ৰিপাঠীয়ে সকলোকে শুভেচ্ছা জ্ঞাপন কৰে ৷

‘Ludo’ৰ অভিনেতা পংকজ ত্ৰিপাঠীয়ে টুইটাৰযোগে ইংৰাজী আৰু হিন্দী দুয়োটা ভাষাতে সকলোকে ষট পূজাৰ শুভেচ্ছা জনায় ৷ ইয়াৰোপৰি ত্ৰিপাঠীয়ে ষট পূজা উদযাপনৰ কিছু স্মৰণীয় মূহুৰ্তৰ কথা শ্বেয়াৰ কৰে ৷ ষট পূজাৰ দিনাই তেওঁ স্কুলত অনুষ্ঠিত হোৱা এখন নাটকত অভিনয় কৰিছিল ৷

এক্সন হিৰো হৃত্বিক ৰোশনেও টুইটাৰযোগে সকলোৰে মংগল কামনা কৰি ষট পূজাৰ শুভেচ্ছা জ্ঞাপন কৰে ৷ সকলোৰে মাজত ইতিবাচক মনোভাৱ বৰ্তাই ৰখাৰ আশা প্ৰকাশ কৰে অভিনেতা গৰাকীয়ে ৷

আনহাতে, প্ৰখ্য়াত অভিনেতা অনুপম খেৰেও টুইটাৰযোগে ষট পূজাৰ শুভেচ্ছা জনাই এই পূজাই সকলোৰে মাজত আনন্দ কঢ়িয়াই অনাৰ আশা প্ৰকাশ কৰে ৷

উল্লেখ্য যে, হিন্দু কেলেণ্ডাৰ মতে কাৰ্তিক মাহৰ ষষ্ঠ দিনা আৰু দিপাৱলীৰ পাচত চতুৰ্থ দিনা ষট পূজা উদযাপন কৰা হয় ৷

লগতে পঢ়ক :'উই কেন বি হিৰ'জ'ৰ দৃশ্যগ্ৰহণৰ সময়খিনি আটাইতকৈ ভাল লগা আছিল: প্ৰিয়ংকা