বি.ডব্লিউ.এফ ওৱৰ্ল্ড চেম্পিয়ন পি.ভি সিন্ধুলৈ বি-টাউনবাসীৰ শুভকামনা

বি.ডব্লিউ.এফ ওৱৰ্ল্ড চেম্পিয়নশ্বিপত বিশ্বজয়ী পি.ভি সিন্ধুক প্ৰশংসাৰে ওপচাই বলিউডৰ চেলিব্ৰেটী সকলে ৷ ফাইনেলত জাপানৰ নোজোমি ওকুহাৰাক হৰুৱাই এই অভিলেখ গঢ়ে ৷ বেডমণ্টন ষ্টাৰ পি.ভি সিন্ধু এই অভিলেখ গঢ়া প্ৰথম গৰাকী ভাৰতীয় ৷

নতুন দিল্লী, 25 আগষ্ট(এ.এন.আই): বিশ্ববিজয়ী পি.ভি সিন্ধুক প্ৰশংসাৰে ওপচাই পেলালে বি-টাউনবাসীয়ে ৷ ৰবিবাৰে অনুষ্ঠিত বি.ডব্লিউ.এফ ওৱৰ্ল্ড চেম্পিয়নশ্বিপৰ ফাইনেলত জাপানৰ নোজোমি ওকুহাৰাক হৰুৱাই বেডমিণ্টনৰ বিশ্ব চেম্পিয়নৰ পদক অৰ্জন কৰে সিন্ধুয়ে ৷ বেডমণ্টন ষ্টাৰ পি.ভি সিন্ধু এই অভিলেখ গঢ়া প্ৰথম গৰাকী ভাৰতীয় ৷

চুপাৰষ্টাৰ শ্বাহৰুখ খানে টুইটযোগে কয়, পি.ভি সিন্ধু অসাধাৰণ প্ৰতিভাৰ গৰাকী, তেওঁ দেশৰ গৌৰৱ, তেওঁলৈ অশেষ শুভকামনা৷

শ্বাহৰুখ খানৰ টুইট

ছবি নিৰ্মাতা কৰণ জোহৰেও টুইটযোগে শুভকামনা জনাই কয়, এইয়া দেশৰ বাবে অতি গৌৰৱৰ মুহূৰ্ত ৷

কৰণ জোহৰৰ টুইট

মোহময়ী অভিনেত্ৰী অনুষ্কা শৰ্মাই এই অভিলেখ গঢ়া প্ৰথম গৰাকী ভাৰতীয়, পি.ভি সিন্ধুৰ এই কৃতিত্বৰ বাবে শুভেচ্ছা জ্ঞাপন কৰে ৷

অনুষ্কা শৰ্মাৰ টুইট

অভিনেত্ৰী তাপ্পসী পান্নুৱে কয়, স্বাগতম বেডমিণ্টৰ নতুন বিশ্ব চেম্পিয়ন ৷

তাপ্পসী পান্নুৰ টুইট

বৰ্ষীয়ান অভিনেতা অনুপম খেৰেও নিজৰ মত ব্যক্ত কৰি জনাই, পি.ভি সিন্ধুৰ এই কৃতিত্বৰ বাবে ভাৰতীয় হিচাপে সমগ্ৰ বিশ্বৰে গৌৰৱ ৷ তেওঁলৈ ধন্যবাদ, এই যাত্ৰা সঁচাই প্ৰেৰণাদায়ক ৷

অনুপম খেৰৰ টুইট

অভিনেতা অৰ্জুণ কাপুৰেও টুইটযোগে নিজৰ অভিমত প্ৰকাশ কৰি কয়, তেওঁ কৰি দেখুৱালে, তেওঁলৈ শুভেচ্ছা ৷

অৰ্জুন কাপুৰৰ টুইট