এজনে আনজনৰ প্ৰতি দয়ালু হওক আৰু মোৰ অপেক্ষা কৰকঃ শেষ বাৰ্তা দি গুচি গ'ল ইৰফান খান

বুধবাৰে মুম্বাইৰ কোকিলাবেন হাস্পতালত মৃত্যুবৰণ কৰে অভিনেতা ইৰফান খানে ৷ মৃত্যুৰ পূৰ্বে অসুস্থ অৱস্থাতে তেওঁ আংগ্ৰেজী মিডিয়াম নামৰ শেষৰখন ছবিত অভিনয় কৰিছিল ৷ ছবিখন মুক্তিৰ পূৰ্বে তেওঁ অনুৰাগীৰ বাবে এটা বিশেষ বাৰ্তা ৰেকৰ্ড কৰি যায় ৷

চিটাৰা ডেস্ক,29 এপ্ৰিলঃ অভিনেতা ইৰফান খানে মৃত্যুৰ পূৰ্বে অনুৰাগীসকলৰ বাবে এটা বিশেষ বাৰ্তা দি থৈ গ'ল ৷ এটা ডাঙৰ হাঁহিৰে জীৱনৰ কঠিন সময় জয় কৰাৰ লগতে জীৱনটো পূৰ্ণৰূপত উপভোগ কৰিবলৈ অনুৰাগীসকলক অনুৰোধ জনাই গ'ল অভিনেতা গৰাকীয়ে ৷

অভিনেতাগৰাকীয়ে তেওঁৰ শেষৰখন ছবি আংগ্ৰেজী মিডিয়ামৰ মুক্তিৰ পূৰ্বে ৰেকৰ্ড কৰি যায় এই বিশেষ বাৰ্তা ৷ শাৰীৰিক অসুস্থতাৰ বাবে ছবিখনৰ ছবিখনৰ প্ৰচাৰ কাৰ্যসূচীত অংশগ্ৰহণ কৰিব নোৱাৰি এই বাৰ্তা ৰেকৰ্ড কৰিছিল অভিনেতাগৰাকীয়ে ৷

বাৰ্তাটো দিওঁতে যথেষ্ট ভাবুক হৈ পৰিছিল প্ৰয়াত অভিনেতাগৰাকী ৷ "এজনে আনজনৰ প্ৰতি দয়ালু হওক আৰু মোৰ অপেক্ষা কৰক " ৷ এইদৰে শেষ বাৰ্তাটো এৰি গৈছিল অনুৰাগীৰ বাবে ৷

উল্লেখ্য যে , অভিনেতাগৰাকীৰ শেষৰখন ছবি আংগ্ৰেজী মিডিয়ামমুক্তি লাভ কৰিছিল বিগত 13 মাৰ্চত ৷ কিন্তু কৰ'ণা মহামাৰীৰ ভয়াৱহতাৰ বাবে হোৱা লক্​ ডাউনৰ ফলত ছবিখন ডিজিটেলি মুক্তি দিয়া হয় ৷

লগতে পঢ়কঃইৰফান খানৰ মৃত্যুত শোকবিহ্বল বলীউড