অনুভৱ সিনহাৰ ‘অনেক’ ছবিৰ পৰা আয়ুষ্মানৰ প্ৰথমটো লুক শ্বেয়াৰ

বলিউডৰ ‘হিট মেচিন’ খ্যাত অভিনেতা আয়ুষ্মান খুৰাণাই অনুভৱ সিনহাৰ পৰৱৰ্তী ছবিৰ বাবে ইতিমধ্যে যো-জা চলাইছে উত্তৰ-পূৱত ৷ ছবিখনত ৰূপায়ন কৰিবলগীয়া ‘জচুৱা’ নামৰ চৰিত্ৰৰ প্ৰথমটো লুক চ’ছিয়েল মিডিয়াযোগে শ্বেয়াৰ কৰে আয়ুষ্মানে ৷

চিটাৰা ডেস্ক,2 ফেব্ৰুৱাৰী : ‘আৰ্টিকল15’ৰ পাচত ছবি নিৰ্মাতা অনুভৱ সিনহাৰ সৈতে দ্বিতীয়বাৰৰ বাবে তেওঁৰ পৰৱৰ্তী ছবি ‘অনেক’ত অভিনয় কৰিব অভিনেতা আয়ুষ্মান খুৰাণাই ৷ মঙলবাৰে এই কথা ঘোষণা কৰে অভিনেতাগৰাকীয়ে ৷ সম্প্ৰতি উত্তৰ-পূৱত ছবিখনৰ দৃশ্যগ্ৰহণৰ কাম আৰম্ভ কৰা হৈছে ৷

ইনষ্টাগ্ৰামযোগে ছবিখনৰ পৰা প্ৰথমটো লুক শ্বেয়াৰ কৰি পুনৰবাৰ অনুভৱ সিনহাৰ সৈতে একেলগে কাম কৰিবলৈ পাই সুখী অনুভৱ কৰিছে আয়ুষ্মানে ৷

জানুৱাৰী মাহৰৰ অন্তিম সপ্তাহৰ পৰা উত্তৰ-পূৰ্বাঞ্চলত ‘অনেক’ৰ ব্যাপকভাৱে দৃশ্যগ্ৰহণ আৰম্ভ কৰা হৈছে । এই ছবিখন সিনহাছ বেনাৰাছ মিডিয়া ৱৰ্কছ আৰু ভূষণ কুমাৰৰ টি-চিৰিজৰ দ্বাৰা বেনাৰত নিৰ্মাণ কৰা হ’ব ৷

লগতে পঢ়ক :সভাৰ মাজতে যুক্তি-তৰ্কত লিপ্ত অভিনেত্ৰী বৰষাৰাণী বিষয়া