লতা মংগেশকাৰৰ পৰা আৰ্শীবাদ গ্ৰহণ কৰি উৎফুল্লিত আয়ুষ্মান খুৰাণা

2018ৰ হিট ছবি আন্ধাধুনত আয়ুষ্মান খুৰাণাৰ দুৰ্দান্ত প্ৰদৰ্শনক প্ৰশংসা কৰে মহান গায়িকা লতা মংগেশকাৰে ৷ অভিনেতাগৰাকীয়ে তেওঁৰ এই প্ৰশংসাৰ প্ৰত্যুত্তৰত কৃতজ্ঞতাভৰা টুইট কৰে ৷

চিটাৰা ডেস্ক,29 ফেব্ৰুৱাৰীঃহিট মেচিন খ্যাত আয়ুষ্মান খুৰাণাৰ সদ্যমুক্তি প্ৰাপ্ত ছবি শুভ মংগল জ্যাদা সাৱধানে বক্স অফিচত যথেষ্ট ভাল প্ৰদৰ্শন কৰিবলৈ সক্ষম হৈছে ৷ শেহতীয়াকৈ অভিনেতাগৰাকীক ছবি আন্ধাধুনত কৰা দুৰ্দান্ত প্ৰদৰ্শনৰ বাবে যথেষ্ট প্ৰশংসা কৰে প্ৰসিদ্ধ গায়িকা লতা মংগেশকাৰে ৷ এই প্ৰশংসাৰ বাবে টুইটযোগে কৃতজ্ঞতা স্বীকাৰ কৰে জনপ্ৰিয় অভিনেতাগৰাকীয়ে ৷

শুকুৰবাৰৰ দিনা লতা মংগেশকাৰে টুইট যোগে 2018ৰ হিট ছবি আন্ধাধুনত আয়ুষ্মান খুৰাণাই কৰা দুৰ্দান্ত প্ৰদৰ্শনৰ বাবে যথেষ্ট প্ৰশংসা কৰে ৷ কুকিলকন্ঠী গায়িকা লতা মংগেশকাৰে কয়, তেওঁ আয়ুষ্মান খুৰাণাৰ আন্ধাধুন চাইছে আৰু চাই অনুভৱ কৰিছে যে, আয়ুষ্মান খুৰাণাই অভিনয় আৰু গীতৰ ক্ষেত্ৰত যথেষ্ট ভাল কাম কৰিছে ৷ তেওঁৰ কামৰ বাবে তেওঁক প্ৰশংসা কৰাৰ লগতে ভৱিষ্যতৰ বাবে শুভকামনা প্ৰদান কৰে ৷ ইফালে এই শুভকামনা পোৱাৰ পিছত অভিনেতাগৰাকীয়ে কৃতজ্ঞতা স্বীকাৰ কৰে টুইটযোগে ৷

লগতে পঢ়কঃথাপ্পৰ ছবিৰ প্ৰথম দিনৰ উপাৰ্জন