অৰ্জুন ৰামপালৰ ‘Dhaakad’ লুকে খলকনি লগাইছে অনুৰাগীৰ মাজত

আগন্তুক এক্সন (Action) ছবি ‘ধাকড়’ (Dhaakad)ৰ বাবে সাজু হৈছে অভিনেতা অৰ্জুন ৰামপাল (Arjun Rampal) ৷ ছবিখনৰ দৃশ্যগ্ৰহণৰ আৰম্ভণিতে অভিনেত্ৰী কংগনা ৰাণাৱট (Kangana Ranaut)ৰ নামত চৰ্চাত অহাৰ পূৰ্বে আকৰ্ষণীয় লুক (Look) ছ’চিয়েল মিডিয়াযোগে শ্বেয়াৰ কৰিছে অৰ্জুন ৰামপালে ৷

চিটাৰা ডেস্ক, 18 জুন : ছবিঘৰত আহিবলগীয়া আগন্তুক বলীউড ছবি ‘ধাকড়’ (Dhaakad)ৰ বাবে শীঘ্ৰেই পুনৰ দৃশ্যগ্ৰহণৰ কাম আৰম্ভ কৰিব অভিনেতা অৰ্জুন ৰামপাল (Arjun Rampal)য়ে ৷ ছবিখনত খলনায়ক ৰুদ্ৰবীৰ (Rudraveer)ৰ চৰিত্ৰ ৰূপায়ণ কৰিব অভিনেতাগৰাকীয়ে ৷ অৰ্জুনৰ এই চৰিত্ৰটোৰ লুকটো হ’ব এক চৰ্চিত আকৰ্ষণীয় লুক ৷ আনহাতে ছবিখনৰ মূল নায়িকাত আছে অভিনেত্ৰী কংগনা ৰাণাৱট (Kangana Ranaut) ৷ ছ’চিয়েল মিডিয়াযোগে ছবিখনৰ পৰা এই লুকটো শ্বেয়াৰ কৰি অভিনেতা অৰ্জুনে ছবিখনৰ পৰিচালক ৰজনীশ ৰেজী ঘাই (Razneesh Razy Ghai) আৰু জনপ্ৰিয় হেয়াৰ ষ্টাইলিষ্ট আলীম হাকিম (Aalim Hakim)ক ধন্যবাদ জ্ঞাপন কৰে ৷

শুকুৰবাৰে ইনষ্টাগ্ৰামযোগে এই নতুন লুকটো শ্বেয়াৰ কৰে অৰ্জুনে ৷ তেওঁ কয় যে, এখন ছবিৰ বাবে এয়া এক প্ৰত্যাহ্বানস্বৰূপ ৷ এই লুকটোৰ প্ৰয়োজন আছিল ৷ "A challenging part in a film, needs me to push the envelope. Thank you my brother @aalimhakim for helping me create that & @razylivingtheblues to realise that dream. #Dhaakad #letsbeginagain."

লুকটো শ্বেয়াৰ কৰাৰ পাচতে অসংখ্য অনুৰাগীয়ে আচৰিত ধৰণে লুকটোক লৈ কমেণ্ট (Comment) কৰা পৰিলক্ষিত হৈছে ৷ এগৰাকী 48 বছৰীয়া অভিনেতাৰ এনেকুৱা লুক সঁচাকৈয়ে দেখনিয়াৰ বুলি মন্তব্য কৰে অনুৰাগীসকলে ৷ ইয়াৰ মাজৰে এগৰাকীৰ অনুৰাগীয়ে লিখিছে "Aging like fine wine😍😍" ৷ আনহাতে, আন এগৰাকীয়ে লিখিছে, "Too much hotness!!🔥🔥🔥."

এক্সন-থ্ৰিলাৰ (Thriller) ছবি ‘ধাকড়’ত কংগনাক এগৰাকী এজেণ্টৰ ৰূপত দেখিবলৈ পাব, যাৰ নাম হৈছে ‘অগ্নি’ (Agni) ৷ ক’ভিড (Covid)ৰ দ্বিতীয় ঢৌৱে প্ৰভাৱ পেলোৱাৰ পূৰ্বে ছবিখন বুডাপেষ্টত দৃশ্যগ্ৰহণ কৰাৰ কথা আছিল ৷ পুনৰ 1 অক্টোবৰৰ পৰা দৃশ্যগ্ৰহণৰ কাম আৰম্ভ হোৱাৰ চৰ্চা চলিছে যদিও বৰ্তমানো সঠিক তাৰিখ নিশ্চিত হোৱা নাই ৷

লগতে পঢ়ক :শনিবাৰে আমেৰিকালৈ যাব অভিনেতা ৰজনীকান্ত(Rajinikanth)