কৰ'ণা ভাইৰাছেৰে যুঁজিবলৈ সহায়ৰ হাত অৰ্জুন কাপুৰৰ

বহুকেইগৰাকী তাৰকাৰ পিছত, এইবাৰ বলীউড অভিনেতা অৰ্জুন কাপুৰে মহামাৰী কৰ'ণা ভাইৰাছৰ সৈতে দেশবাসীক যুঁজ দিবৰ বাবে প্ৰধানমন্ত্ৰীৰ সাহাৰ্য পুঁজি আৰু মহাৰাষ্ট্ৰৰ সাহাৰ্য পুঁজিৰ সৈতে মুঠ পাঁচটা পুঁজিলৈ সাহাৰ্য আগবঢ়ায় ৷

চিটাৰা ডেস্ক,6 এপ্ৰিলঃ অভিনেতা অৰ্জুন কাপুৰে সোমবাৰে মহামাৰী ভাইৰাছৰ সৈতে দেশবাসীক যুঁজ দিবৰ বাবে প্ৰধানমন্ত্ৰীৰ সাহাৰ্য পুঁজি আৰু মহাৰাষ্ট্ৰৰ মুখ্যমন্ত্ৰীৰ সাহাৰ্য পুঁজিৰ সৈতে মুঠ পাঁচটা পুঁজিত আগবঢ়ায় আৰ্থিক অনুদান ৷

34 বছৰীয়া অভিনেতাগৰাকীয়ে এই কথা প্ৰকাশ কৰে নিজৰ ইনষ্টাগ্ৰাম একাউন্ট যোগে ৷ ইনষ্টাগ্ৰাম যোগে অৰ্জুনে লিখে, "ভাৰতবৰ্ষ এক জটিল সংকটৰ মাজত আছে আৰু দ্বায়িত্বশীল নাগৰিক হিচাপে , আমি নিজৰ লগতে বন্ধু, ভাতৃ-ভগ্নীসকলৰ বাবে নিজৰ ফালৰ পৰা অলপ কিবা কৰাটো জৰুৰী ৷ মই মোৰ ফালৰ পৰা যিমান সম্ভৱ সাহাৰ্য পুঁজিত দিবলৈ বাবে চেষ্টা কৰিছোঁ ৷ সেয়ে মই প্ৰধানমন্ত্ৰীৰ সাহাৰ্য পুঁজি, মহাৰাষ্ট্ৰৰ মুখ্যমন্ত্ৰীৰ সাহাৰ্য পুঁজি, গিভ ইণ্ডিয়া, দ্য ৱিছিংগ ফেক্টৰী, ফেডাৰছেন অফ ৱেষ্টাৰ্ণ ইণ্ডিয়া চিনে এম্পলয়িজৰ সাহাৰ্য পুঁজিত আৰ্থিক অনুদান প্ৰদান কৰিছো ৷ আমি ক'ভিড-19ৰ সৈতে তেতিয়াহে যুঁজ দিব পাৰিম, যেতিয়া আমি একত্ৰিত হ'ম ৷ সেয়ে মই মানুহক আহ্বান কৰিছো ,আগবাঢ়ি আহক আৰু নিজৰ হিচাপ অনুসৰি মানুহক সহায় কৰক ৷"

অৱশ্যে এই প'ষ্টটো যোগে তেওঁ কিমান টকাৰ সাহাৰ্য দিলে সেই কথা প্ৰকাশ কৰা নাই ৷

লগতে পঢ়কঃসৰু সজাইৰ কোৱাৰেন্টাইনত জনপ্ৰিয় অভিনেতা মিৰেল কুদ্দুছ