চিটাৰা ডেস্ক, 24 ফ্ৰেব্ৰুৱাৰী: অভিনেতা অৰ্জুন কাপুৰৰ শেহতীয়া ইন্ষ্টাগ্ৰাম পোষ্টটোৱে প্ৰমাণ কৰে তেওঁৰ হাস্যৰসিকতাৰ কথা । ৰণবীৰ কাপুৰ আৰু আলিয়া ভাটৰ মাজত কাজিয়াৰ সূত্ৰপাত ঘটোৱাৰ চেষ্টা কৰে অভিনেতাজনে । ৰণবীৰ আৰু অৰ্জুন বৰ্তমান আগ্ৰাত আছেগৈ চিত্ৰ নিৰ্মাতা লাভ ৰঞ্জনৰ বিয়া উপলক্ষে ৷ তাতেই দূৰৈত তাজমহল দেখি থকাকৈ ৰণবীৰে অৰ্জুনৰ এখন ফটো তুলিছিল ( Arjun Kapoor Ranbir kapoor taj mahal visit) ৷ নিজৰ চ’ছিয়েল মিডিয়া একাউণ্টত ফটোখন পোষ্ট কৰাৰ পিছতেই লাগিল কেণা ৷
অলপতে, প্ৰেমিক জেকী ভাগনানিৰ সৈতে তাজ ভ্ৰমণ কৰি অহা ৰাকুল প্ৰীত সিঙে ফটোখনত কমেণ্ট কৰিলে, '' হা হা হা ফাইনেলী ইউ ব’থ ছ দ্য তাজ ৷ '' ৰাকুলৰ কমেণ্টো দেখি ধেমেলিয়া অৰ্জুনে উত্তৰ দি ক’লে যে ৰণবীৰে আলিয়াৰ পৰিৱৰ্তে প্ৰথমে মোৰ লগত হে তাজ দৰ্শন কৰিলে (Arjun Kapoor funny post on Ranbir taj mahal visit) ৷ অৰ্জুনৰ ৰিপ্লাইত চ’ছিয়েল মিডিয়া ব্যৱহাৰকাৰীসকলে যথেষ্ট আমোদ পোৱা দেখা গ’ল ৷ এজনে আকৌ লিখিয়েই পেলালে, ''আলিয়াই নিশ্চয়কৈ মনত আঘাত পাইছে !''