তৃতীয় বিবাহ বাৰ্ষিকীৰ শুভক্ষণত অন্তৰংগ মূহুৰ্তৰ ফটো শ্বেয়াৰ অনুষ্কাৰ

আজি বিৰাট-অনুষ্কাৰ বিবাহে তিনিবছৰৰ পূৰ্ণতা লাভ কৰে ৷ তৃতীয় বিবাহ বাৰ্ষিকীৰ শুভক্ষণত অষ্ট্ৰেলিয়াত থকা বিৰাটে চ’ছিয়েল মিডিয়া যোগে এখন বিবাহৰ ফটো শ্বেয়াৰ কৰাৰ বিপৰীতে অনুষ্কা শৰ্মাই স্বামীক স্মৰণ কৰি এখন অন্তৰংগ মূহুৰ্তৰ ফটো শ্বেয়াৰ কৰে ৷

চিটাৰা ডেস্ক,11 ডিচেম্বৰ : বলিউড অভিনেত্ৰী তথা প্ৰযোজক অনুষ্কা শৰ্মা আৰু ক্ৰিকেটাৰ বিৰাট কোহলীৰ বিবাহে আজি তিনিবছৰ সম্পূৰ্ণ কৰিলে ৷ বিৰাট-অনুষ্কাৰ তৃতীয় বিবাহ বাৰ্ষিকীৰ শুভক্ষণত বিৰাটে চ’ছিয়েল মিডিয়াযোগে এখন বিবাহৰ ফটো শ্বেয়াৰ কৰাৰ বিপৰীতে অনুষ্কাই এখন অন্তৰংগ মূহুৰ্তৰ ফটো শ্বেয়াৰ কৰে ৷

তিনিবছৰ পূৰ্বে ইটালীত আনুষ্ঠানিকভাৱে যুগ্ম জীৱনৰ পাতনি মেলা বিৰাট-অনুষ্কা (বিৰুষ্কা)ই শীঘ্ৰেই পিতৃ-মাতৃ হোৱাৰো সৌভাগ্য লাভ কৰিব ৷ অনুষ্কাই শ্বেয়াৰ কৰা ফটোখনত বিৰাটক পিছফালৰ পৰা সাৱটি ধৰাৰ লগতে দুয়ো হাঁহি থকা পৰিলক্ষিত হৈছে ৷

স্বামী বিৰাট কোহলীক স্মৰণ কৰি ফটোখনৰ কেপচনত অনুষ্কাই লিখিছে, "3 years of us & very soon, 3 of us ❣️ Miss you ❤️,"

সম্প্ৰতি বিৰাটে অষ্ট্ৰেলিয়াৰ সৈতে চলি থকা মেচৰ বাবে অনুষ্কাক এৰি অষ্ট্ৰেলিয়াত আছে আৰু 21 ডিচেম্বৰত দলটো ভাৰতলৈ উভতিব ৷ আগন্তুক বৰ্ষৰ জানুৱাৰী মাহত অনুষ্কাৰ প্ৰসৱৰ সময়ত পত্নীৰ সৈতে থাকিব বিৰাট ৷

লগতে পঢ়ক :বলিউডত পদৰ্পনৰ বাবে সাজু আমিৰ খানৰ জ্যেষ্ঠ পুত্ৰ জুনেইড খান